मर्कूस 3:8 - परमेश्‍वरए ताँ तमु क्युइर

⁸ यरूशलेम सहरउँइँले, इदुमिआ ह्‍युलउँइँले, यर्दन क्‍योंजाउँइँले, टुरोस नेरो सीडोन बिबै सहरजरेबै ल्हें म्हि येशूजी लबै औदिबै छ्याँबै केमैंए बारेर थेसि खी ङाँर खइ।

मर्कूस 3:8 ပူးပေါင်းရင်းမြစ်များ

भजनमैं 45:12

टुरोसर्बै म्रुँए च्हमि क्होल्सै किंसि खब्मुँ, प्लबै म्हिमैंइ क्हिनेन् आशा थेंब्मुँ।

भजनमैं 87:4

ङलाइ ङोसेबै ह्रेंमैं न्होंर ङ मिश्र नेरो बेबिलोनए बारेर बिमिंब्मुँ; धै पलिश्त, टुरोस नेरो कूश ह्‍युलर्बै म्हिमैंए बारेरै या “चु यरूशलेमर्न फिल!” बिसि ङ चमैं ङए म्हिमैं ठर्दिब्मुँ।

मत्ती 11:21

“ओ खोराजीनथेंमैं नेरो बेथसेदाथेंमैं! धिक्‍कार मुँ क्‍हेमैं, तलेबिस्याँ क्हेमैं ङाँर लब् धोंबै औदिबै केमैं टुरोस नेरो सिदोन सहरजरे लस्याँ चमैंइ स्योंमन् ह्रेंगा खिसि मेब्ब्रो फोसि खेंमैंइ लबै आछ्याँबै केमैं पिसि परमेश्‍वरउँइँ सैं एमल।

मत्ती 4:25

छतमा गालील ह्‍युलउँइँले, डिकापोलिस ह्‍युलउँइँले, यरूशलेम सहरउँइँले, यहूदीया ह्‍युलउँइँले नेरो यर्दन स्‍यों क्‍योंजाउँइँले ल्हें म्हि खसि खीए लिलि ल्हैदिइ।

मर्कूस 7:24

च लिउँइँ येशू च क्‍ल्‍ह्‍यो वाथेंसि टुरोस नेरो सीडोन बिबै सहरउँइँ ह्‍यासि धिं घ्रिर होंइ। खी चर मुँ बिसि खाबज्‍यै था आसेरिगे बिब् येशूए सैं मुँल। दिलेया म्‍हिमैंइ था आसेल्‍ले येशू टिल् आखाँल।

मर्कूस 7:31

झाइले येशू टुरोस सहरउँइँले त्‍होंसि सीडोन बिबै क्‍ल्‍ह्‍योर खइ। धै डिकापोलिस बिबै ह्‍युलए घ्‍याँउँइँले गालील तालर एखइ।

लूका 6:17

च लिउँइँ खी कोंउँइँले चेलामैंने बालुन् क्युरु युसि चेप्ला तबै क्‍ल्‍ह्‍योर राइ। चर यहूदीया, यरूशलेम नेरो मा ङ्युँइ रेजरेबै टुरोस नेरो सिदोन सहर खागुबै ह्‍युलउँइँले या ल्हें म्हि खल। चर खीए अरू चेलामैं या मुँल। चमैं येशूजी लोमिंबै ताँ थेबर नेरो ह्रोंसए नब्-छब् सल् लमिंरिगे बिसि खल।