मर्कूस 3:7 - परमेश्‍वरए ताँ तमु क्युइर

⁷ च लिउँइँ येशू ह्रोंसए चेलामैंने तालउँइँ ह्‍यामा चर म्हिए हुल येशूए लिलि खइ। गालील ह्‍युलउँइँले, यहूदीया ह्‍युलउँइँले,

मर्कूस 3:7 ပူးပေါင်းရင်းမြစ်များ

मत्ती 10:23

छतसि म्हिमैंइ क्हेमैंलाइ क्ल्ह्‍यो घ्रिर ह्रुगुदिइ बिस्याँ च क्ल्ह्‍योउँइँले अर्को क्ल्ह्‍योउँइँ भौदिह्‍याद्। क्ह्रोंसेंन ङ क्हेमैंने बिमुँ, परमेश्‍वरउँइँले कुल्‍मिंबै म्हिए च्ह युब् भन्दा ओंसों क्‍हेमैंइ इस्राएलर्बै ताँन् क्ल्ह्‍योर खैलसेया स्युरल् खाँरिब् आरे।

मत्ती 12:15

खीलाइ सैबै मत लबै ताँ था सेसि येशू च क्ल्ह्‍योउँइँले ह्‍याइ। छले ह्‍यामा ल्‍हें म्‍हिमैं खीए लिलि ल्‍हौदिइ, धै खीजी ताँन् नबै म्‍हिमैं सल् लमिंइ।

मत्ती 12:16

दिलेया खीजी चमैंने “ङ खाब् जा बिसि खाबलसज्यै आबिद्,” बिइ।

मत्ती 4:25

छतमा गालील ह्‍युलउँइँले, डिकापोलिस ह्‍युलउँइँले, यरूशलेम सहरउँइँले, यहूदीया ह्‍युलउँइँले नेरो यर्दन स्‍यों क्‍योंजाउँइँले ल्हें म्हि खसि खीए लिलि ल्हैदिइ।

मर्कूस 1:39

झाइले येशू गालील ह्‍युलर्बै च्हों धिंमैंर सैं तोंबै ताँ बिप्रदै मोंमैं ल्‍हादै प्रइ।

मर्कूस 1:45

दिलेया च म्‍हि ह्‍यासि येशूजी खी सल् लमिंबै ताँ म्हिमैंने बिप्रइ। छतमा येशू म्हिमैंइ म्रोंन्ले नाँसजरे प्रल् आयों, छतसि खी खाबै आरेबै क्ल्ह्‍योजरे टिइ। दिलेया खन्तोदोंउँइँले म्‍हिमैं येशूलाइ म्‍हैदै चर खइ।

मर्कूस 3:20

च लिउँइँ येशू धिंर ह्‍यामा चर म्हिए हुल खागु तखइ। छतमा येशू नेरो खीए चेलामैंइ चब् चलै आयों।

मर्कूस 4:1

येशूजी धबै गालीलर्बै तालए छ्योगर परमेश्‍वरए ताँ लोमिंबर होंमा चरै या म्हिए हुल तखइ। छतसि येशू डुँङ्गार क्रेसि तालए छ्योगउँइँले दे क्याइ ह्‍यासि डुँङ्गारर्न टिइ। म्हिमैं बिस्याँ तालए रेजरेन् टिरिल।

लूका 23:5

दिलेया चमैंइ बेल्‍‍‍ले सारले ओरदै बिइ, “चुजी ताँन् यहूदीया नेरो गालील ह्‍युलउँइँले किंसि तोगो चु यरूशलेम सहर समन् खीए ताँ लोमिंसि भाँडिरिइमुँ।”

लूका 6:12

च त्‍हेजरे येशू कोंर ह्‍यासि म्‍हुँइँसतिमि परमेश्‍वरने प्राथना लसि म्हुँइँस थोइ।

लूका 6:17

च लिउँइँ खी कोंउँइँले चेलामैंने बालुन् क्युरु युसि चेप्ला तबै क्‍ल्‍ह्‍योर राइ। चर यहूदीया, यरूशलेम नेरो मा ङ्युँइ रेजरेबै टुरोस नेरो सिदोन सहर खागुबै ह्‍युलउँइँले या ल्हें म्हि खल। चर खीए अरू चेलामैं या मुँल। चमैं येशूजी लोमिंबै ताँ थेबर नेरो ह्रोंसए नब्-छब् सल् लमिंरिगे बिसि खल।

यूहन्‍ना 7:41

को-कोइ “खी परमेश्‍वरजी कुल्मिंबै म्रुँ ख्रीष्‍ट ग,” बिइ। दिलेया को-कोइ “म्रुँ ख्रीष्‍ट गालीललउँइँले खम् रो वा?” बिइ।

यूहन्‍ना 7:52

चमैंइ चने बिइ, “क्‍हि या गालीलथें वा? परमेश्‍वरए छ्वे म्हैसि छेनाले खेद्। गालीलउँइँले अगमबक्‍ता आख बिसि क्हिइ सेब्मुँ।”

चेला चिब्मैंए केमैं 17:10

झाइले च तोंदोंन् प्रभुए फिर बिश्‍वास लबै अलि-अङाँमैंइ पावल नेरो सिलास म्‍हुँइँसर्न बेरिया सहरउँइँ कुल्मिंइ, चमैं चर फेनेसि यहूदीमैंए च्हों धिं न्होंर ह्‍याइ।

चेला चिब्मैंए केमैं 17:14

च तोंदोंन् बेरियार्बै प्रभुए फिर बिश्‍वास लबै अलि-अङाँमैंइ पावल मा ङ्युँइए रेजरे कुल्मिंइ। सिलास नेरो तिमोथी बिस्याँ चर्न टिइ।