मर्कूस 3:17 - परमेश्‍वरए ताँ तमु क्युइर

¹⁷ जब्दियाए च्‍ह याकूब नेरो याकूबए अलि यूहन्‍ना। येशूजी चमैंए मिं बोअनरिगेश थेंइ, चए अर्थ मु ङ्‌हेबए च्हमैं ग।

मर्कूस 3:17 ပူးပေါင်းရင်းမြစ်များ

मत्ती 4:21

येशू छाइले ह्‍यारिमा अर्को त्येमैं ङ्हिं, जब्दियाए च्‍हमैं याकूब नेरो यूहन्‍ना खेंमैंए आबाने डुँङ्गार क्हुँसि ह्रोंसए जाल टुरिब म्रोंसि खीजी चमैं या हुइ।

मर्कूस 10:35

झाइले जब्दियाए च्‍हमैं ङ्हिं याकूब नेरो यूहन्‍ना येशू ङाँर खसि बिइ, “ओ गुरु, ङिइ क्हिने तो ह्रिलेया ङिए ल्हागिर लमिंन्।”

मर्कूस 14:33

बिसि पत्रुस, याकूब नेरो यूहन्‍ना खीने बालुन् बोइ। च्हमा खीए सैंर सैदिल् आखाँबै दुःख तसि बेल्‍ले आतिदिरिल।

मर्कूस 3:16

च च्युसे ङ्हिं चेला चिब्मैंए मिं छाब् मुँल: सिमोन, चए मिं येशूजी पत्रुस थेंइ,

मर्कूस 3:18

झाइले अन्‍द्रियास, फिलिप, बारथोलोमाइ, मत्ती, थोमा, अल्‍फयसए च्‍ह याकूब, थेदियास, सिमोन कनानी,

मर्कूस 5:37

च्हौ बिसि खीजी पत्रुस, याकूब नेरो याकूबए अलि यूहन्‍ना बाहेक् अरू खाबलाज्यै खीने बालु ह्‍याल् आपिं।

मर्कूस 9:2

येशूजी छ बिबै टुरो लिउँइँ खीजी पत्रुस, याकूब नेरो यूहन्‍ना बोसि नुबै कोंर म्हि आरेबै क्ल्ह्‍योर ह्‍याइ, चर चेलामैंइ येशूए क्हो फेर्दियाब् म्रोंइ।

लूका 9:54

छतब् म्रोंसि येशूए चेलामैं याकूब नेरो यूहन्‍नाइ बिइ, “प्रभु, क्हिए सैंर खै ङ्हाँइमुँ? स्वर्गउँइँले मि कुलसि चुमैं सैवाद् बिसि ङिइ बिले वा।”

यूहन्‍ना 21:2

सिमोन पत्रुस, जौंले बिबै थोमा, गालीलर्बै कानाथें नथानेल, याकूब, यूहन्‍ना, नेरो येशूए चेलामैं न्होंर्बै अरू म्हि ङ्हिं या बालुन् मुँल।

चेला चिब्मैंए केमैं 12:1

च त्हेजरे हेरोद म्रुँइ को-कोइ बिश्‍वासीमैं क्हासि चमैंए फिर बेल्‍ले दुःख पिंबर होंइ।

हिब्रू 4:12

परमेश्‍वरए ताँ सोगों मुँ धै खोंयोंन् बिलै के लरिम्, धै चु धार ङ्हिं मुँबै सेलाँ भन्दा छ्यारब् तम्। चुइ सो नेरो प्ल्हलाइ, चए जोर्नि-जोर्नि नेरो ह्रुइबए टों समा भाग भाग लसि क्योंजा चोंजा तल्‍ले थोंसि सैंर्बै ताँ नेरो बिचार जाँच लल् खाँम्।

दर्शन 10:11

झाइले कै घ्रिइ ङने बिइ, “क्‍हिइ ल्हें म्‍हिमैं, ल्हें ह्रेंमैं, ल्हें क्युइ पोंब्‍मैं नेरो ल्हें म्रुँमैंए फिर परमेश्‍वरउँइँले तखम् बिबै ताँमैं धबै बिल् त्‍हुब्‍मुँ।”