मर्कूस 3:16 - परमेश्‍वरए ताँ तमु क्युइर

¹⁶ च च्युसे ङ्हिं चेला चिब्मैंए मिं छाब् मुँल: सिमोन, चए मिं येशूजी पत्रुस थेंइ,

मर्कूस 3:16 ပူးပေါင်းရင်းမြစ်များ

मर्कूस 1:16

तिगें येशू गालीलर्बै तालए रेजरे प्ररिमा सिमोन नेरो चए अलि तालर जाल प्रिंरिब म्रोंइ। तलेबिस्याँ चमैं ताँग क्हाब्मैं मुँल।

मर्कूस 3:15

धै मोंमैं ल्‍हाबै हग या चेलामैंलाइ पिंइ।

मर्कूस 3:17

जब्दियाए च्‍ह याकूब नेरो याकूबए अलि यूहन्‍ना। येशूजी चमैंए मिं बोअनरिगेश थेंइ, चए अर्थ मु ङ्‌हेबए च्हमैं ग।

लूका 6:13

मि म्रोंल् खाँबै लिउँइँ येशूजी चेलामैं ह्रोंस ङाँर हुइसि चमैं न्‍होंर्बै च्युसे ङ्हिं कुल्मिंबै चेला चिब्मैं त्‍हाँसि चमैंलाइ “कुल्मिंबै चेला चिब्मैं” बिबै मिं थेंइ।

यूहन्‍ना 1:42

अन्द्रियासइ सिमोन येशू ङाँर पखइ। येशूजी च ङाँइ ङ्‍ह्‍योसि बिइ, “क्हि योआनेसए च्ह सिमोन ग, दिलेया ङइ क्हिने केफास बिब्मुँ।” (केफासए अर्थ युमा ग। ग्रिक क्युइरि पत्रुस बिम्।)

चेला चिब्मैंए केमैं 1:13

चमैं सहरर ह्‍याबै लिउँइँ खेंमैं टिबै धिंए आटिफिर ह्‍याइ। चमैं पत्रुस, यूहन्‍ना, याकूब, अन्‍द्रियास, फिलिप, थोमा, बारथोलोमाइ, मत्ती, अल्‍फयसए च्‍ह याकूब, नेरो ह्रोंसए ह्‍युल म्हाँया लबै सिमोन, नेरो याकूबए च्‍ह यहूदा मुँल।

१ कोरिन्थी 1:12

क्‍हेमैं न्‍होंर कोइइ “ङ पावलए चेला ग,” कोइइ “ङ अपोल्‍लसए चेला ग,” कोइइ “ङ पत्रुसए चेला ग,” कोइइ “ङ ख्रीष्‍टए चेला ग,” बिम् रो।

१ कोरिन्थी 3:22

पावल, अपोल्‍लस, पत्रुस, चु ह्‍युल, तिंजोरोबै सैमैं, प्‍हँना लिउँइँबै सैमैं, क्हेमैं सोलेया, सिलेया — ताँन् क्‍हेमैंलन् ग।

१ कोरिन्थी 9:5

पत्रुस, प्रभु येशूए अलिमैं नेरो अरू कुल्मिंबै चेला चिब्मैं धोंलेन् ङज्यै या प्रभु येशूए फिर बिश्‍वास लबै च्हमिरि ब्ह्‍या लसि प्रल् आयों रो वा?

२ पत्रुस 1:1

येशू ख्रीष्‍टए के लबै कुल्मिंबै चेला चिब ङ सिमोन पत्रुसउँइँले क्हेमैंलाइ जय मसीह मुँ। ङ्योए परमेश्‍वर नेरो ङ्योलाइ जोगेमिंबै येशू ख्रीष्‍टजी खाबलाज्यै या आफेलल्‍ले ठिक के लइमुँ। खीजी ङिलाइ पिंब् धोंले क्हेमैंलाज्यै या ठिक बिश्‍वास लल् पिंइमुँ।