मर्कूस 3:14 - परमेश्‍वरए ताँ तमु क्युइर

¹⁴ खीने बालु टिबर नेरो परमेश्‍वरउँइँले खबै सैं तोंबै ताँ बिप्रबर येशूजी च्युसे ङ्हि चेलामैं त्हाँइ।

मर्कूस 3:14 ပူးပေါင်းရင်းမြစ်များ

मर्कूस 3:13

च लिउँइँ येशू कोंर ह्‍यासि खीजी त्हाँबै चेलामैं हुइमा चमैं येशू ङाँर खइ।

मर्कूस 3:15

धै मोंमैं ल्‍हाबै हग या चेलामैंलाइ पिंइ।

मर्कूस 6:30

येशूजी ओंसोंन् कुल्मिंबै चेला चिब्मैं खी ङाँर एखइ। धै खेंमैंइ तो तो लइ बिबै ताँ नेरो तो तो लोमिंइ बिबै तोन्दोंरि ताँ येशूने बिइ।

लूका 24:47

ह्रोंसइ लबै आछ्याँबै केमैं पिसि परमेश्‍वरउँइँ सैं एइस्याँ म्हिमैंइ पाप क्षमा योंम् बिबै ताँ ओंसों यरूशलेमर बिप्रबइले ताँन् ह्रें-ह्रेंर्बै म्हिमैंने बिमिंल् त्हुम्।

यूहन्‍ना 15:16

क्‍हेमैंइ ङलाइ त्‍हाँब आङिं, ङइ क्हेमैं त्हाँब् ग। क्हेमैं ह्‍यासि रामैं रोरिगे धै क्हेमैंए रामैं खोंयोंन् बिलै तरिगे बिसि ङइ क्हेमैं हुइ। छलमा क्हेमैंइ ङए मिंर आबाने तो सै ह्रिलेया खीजी क्हेमैंलाइ पिंब्मुँ।

चेला चिब्मैंए केमैं 1:8

दिलेया पबित्र प्ल्ह क्‍हेमैंए फिर युबै लिउँइँ क्‍हेमैंइ शक्‍ति योंब्‍मुँ। धै क्हेमैं यरूशलेमर, ताँन् यहूदीया नेरो सामरियार, धै ह्‍युलए कुना-कुना समा ङए ग्वाइ पिंब्मैं तब्मुँ।”

गलाती 1:1

कुल्मिंबै चेला चिब ङ पावलउँइँले जय मसीह मुँ। कुल्मिंबै चेला चिब (तसि परमेश्‍वरए के लबर) ङलाइ म्‍हिमैंइ त्हाँसि कुलब् आङिं, म्‍हिमैंइ खटिदिब आङिं। येशू ख्रीष्‍टलाइ सिबउँइँले सोगों लमिंबै परमेश्‍वर आबा नेरो येशू ख्रीष्‍टजीन् ङलाइ त्‍हाँसि कलब् ग।