मर्कूस 2:24 - परमेश्‍वरए ताँ तमु क्युइर

²⁴ छ लब् म्रोंसि फरिसीमैंइ खीने बिइ, “ङ्‌ह्‍योद्, प्रिबै त्हिंइर लल् आतबै केन् तले चमैंइ लरिइमुँ?”

मर्कूस 2:24 ပူးပေါင်းရင်းမြစ်များ

प्रस्थान 20:10

दिलेया क्हेमैंए याहवेह परमेश्‍वरए ल्हागिर ङिगैं ‘प्रिबै त्हिंइ’ ग। च त्हिंइर क्हेमैंए च्ह च्हमि, केब्छैं-केब्स्योमैं, खेदोमैं नेरो आगुए ह्‍युलर्बै म्हिमैं खाबज्यै तो के या आलद्।

प्रस्थान 31:15

टुगैं समा के लरिगे, दिलेया ङिगैंर भों न्हबै त्हिंइ ग, चु त्हिंइ याहवेहए ल्हागिर पबित्र ग। चु त्हिंइर के लब्मैंलाइ सैवाल् त्हुम्।

मत्ती 12:2

छले चब् म्रोंसि फरिसीमैंइ खीने बिइ, “ङ्‍ह्‍योत्ति, क्‍हिए चेलामैंइ प्रिबै त्हिंइर तो लल् आत चन् लइमुँ।”

मर्कूस 2:16

दिलेया फरिसीमैं न्होंर्बै को-कोइ शास्‍त्रिमैंइ येशू छले पापि म्‍हिमैं नेरो बालि रेबै म्‍हिमैंए म्‍हाँजोर क्हुँसि चब् चरिब् म्रोंसि चमैंइ येशूए चेलामैंने “च तले छाबै पापि म्‍हिमैंने क्हुँसि चब् चब्जा?” बिइ।

मर्कूस 2:25

येशूजी चमैंने बिइ, “ङ्योए खे दाऊदए बारेर्बै ताँ क्‍हेमैंइ परमेश्‍वरए छ्वेर आखेइमुँ वा? दाऊद नेरो चने मुँबै म्‍हिमैं फो ख्रेंमा चइ तो लल?

मर्कूस 2:7

“चु म्हि तले छले पोंगे? चुइमि परमेश्‍वरए क्ल्ह्‍योर खी तसि ग पोंरिइमुँ! परमेश्‍वरजी बाहेक् अरू खाबज्यै म्हिए पाप क्षमा लल् खाँम्‍मा?”

हिब्रू 12:3

पापि म्‍हिमैंइ खीए बिरोधर पोंबै च्‍हौ ल्‍हें ताँमैं सैदिल् खाँबै येशूलाइ मैंन्, धै आनरल्‍ले ओंसों बडिद्।