मर्कूस 2:20 - परमेश्‍वरए ताँ तमु क्युइर

²⁰ खोंयों प्ह्रेरो चमैंउँइँले स्यो लवाबै त्हे खमुँ च्हमन् चमैं बर्त टिब्‍मुँ।”

मर्कूस 2:20 ပူးပေါင်းရင်းမြစ်များ

भजनमैं 45:11

छ लइ बिस्याँ क्हि छ्याँब् म्रोंसि म्रुँ सैं तोंब्मुँ। खीलाइ म्हाँदिद्, तलेबिस्याँ खी क्हिए क्ल्हे ग।

मत्ती 26:31

झाइले येशूजी चमैंने बिइ, “तिंयाँबै म्‍हुँइँसर ङए फिर तखबै केमैं म्रोंसि क्‍हेमैं ताँनइ ङ वाथेंसि ह्‍याब्‍मुँ। तलेबिस्याँ परमेश्‍वरए छ्वेर छले प्‍ह्रिइमुँ, ‘ङइ क्युछैं सैवाब्‍मुँ, धै क्‍युए बगालमैं खन्‍तोंदोंन् प्हुँयाब्‍मुँ।’

मत्ती 9:15

येशूजी चमैंने बिइ, “प्ह्रेंरो जन्तिमैंने बालु मुँमा चमैंइ शोक लम्‍मा? दिलेया च त्हे खब्मुँ, प्ह्रेंरो चमैंउँइँले बोयाब्मुँ। चमैं सैं आतोंसि बर्त टिब्‍मुँ।”

मर्कूस 2:19

येशूजी चमैंने बिइ, “प्ह्रेरोने (दुलहाने) मुँबै म्हिमैंइ बर्त टिम्‌ रोवा? च धोंलेन् ङए चेलामैंने ङ मुँरिन् समा चमैं बर्त टिल् आत्हु!

मर्कूस 2:21

धबै येशूजी बिइ, “खाबज्‍यै या स्योंबै क्‍वेंरि छारा क्‍वेंइ आखे तलेबिस्याँ छारा क्वें भन्दा स्योब क्वें युनन् ट्होह्‍याम्।

लूका 17:22

येशूजी खीए चेलामैंने बिइ, “तिंगेंन् बिलेया म्हिए च्हजी ग्याल्स लब् म्रोंल् योंस्याँ तमल बिबै त्‍हे प्हँन लिउँइँ खब्मुँ, दिलेया क्हेमैंइ म्रोंल् योंरिब् आरे।

लूका 5:35

दिलेया प्ह्रेंरो चमैंने फ्रेयाबै त्हिंइ खब्मुँ, च त्हेर बल्‍ल चमैंइ बर्त टिब्मुँ।”

यूहन्‍ना 12:8

तलेबिस्याँ ङ्हाँदुमैं खोंयोंइ या क्‍हेमैंने तरिम्। ङ बिस्याँ खोंयोंइ क्‍हेमैंने बालु आत।”

यूहन्‍ना 13:33

“ओ ङए च्योंनें कोलोमैं, दे त्हे समा मत्‍त्रे ङ क्हेमैंने बालु तब्मुँ! क्हेमैंइ ङ म्हैब्मुँ, ङइ यहूदी चिबनाँब्मैंने बिब् धोंले तारे क्हेमैंने या बिमुँ, ङ ह्‍याबै क्ल्ह्‍योर क्हेमैं खल् आखाँ।

यूहन्‍ना 16:28

ङ आबउँइँले ह्‍युलर युइमुँ, तारे ह्‍युल पिसि ङ आबा ङाँर एह्‍याम्।”

यूहन्‍ना 16:7

छान् तलेया ङइ क्हेमैंने क्ह्रोंसेंन्बै ताँ बिमुँ, ङ छुइले ह्‍याबन् क्हेमैंए ल्हागिर छ्याँब् तम्। तलेबिस्याँ ङ आह्‍याइ बिस्याँ ल्होमिंबै पबित्र प्ल्ह क्हेमैं ङाँर युरिब् आरे। ङ ह्‍याइ बिस्याँ पबित्र प्ल्ह क्हेमैं ङाँर कुल्मिंब्मुँ।

यूहन्‍ना 17:11

तारे ङ क्हि ङाँर खसिन् मुँ। ङ चु ह्‍युलर ल्हें आटि, चुमैं बिस्याँ चु ह्‍युलर्न टिम्। ओ पबित्र आबा, ङ्यो घ्रि तब् धोंलेन् क्हिजी ङने पिंब्मैं या घ्रिन् तरिगे बिसि क्हिए मिंए शक्‍तिउँइँले चमैं जोगेसि थेंमिंन्।

यूहन्‍ना 17:13

“तारे ङ क्हि ङाँर खसिन्‌ मुँ, दिलेया चमैंए सैं ङइ पिंथेंबै आनन्दइ प्लिंरिगे बिसि ह्‍युलर मुँमा ङइ चु ताँमैं बिइमुँ।

यूहन्‍ना 3:29

खाब्ने बालु प्ह्रेंस्यो मुँ, चन् प्ह्रेंरो ग। प्ह्रेंरोए थु प्ह्रेंरो ङाँर रासि खीए कै थेसि बेल्‍ले सैं तोंम्। छतसि ङ बेल्‍ले सैं तोंइँमुँ।

चेला चिब्मैंए केमैं 1:9

खीजी चु ताँ बिबै लिउँइँ चमैंइ ङ्‍ह्‍योना ङ्‍ह्‍योन् खी कैंडो क्वेयाइ, झाइले न्‍हाँम्‍स्योइ हुवाइ। छले चमैंइ खीलाइ म्रोंल् आखाँ।

चेला चिब्मैंए केमैं 14:23

झाइले चमैंइ ताँन् चर्चर एल्डरमैं त्हाँइ, धै बर्त टिसि प्राथना लसि चमैंइ च एल्डरमैं खेंमैंइ बिश्‍वास लबै प्रभुए जिम्मार पिंवाइ।

चेला चिब्मैंए केमैं 3:21

दिलेया स्योंमन् परमेश्‍वरजी ह्रोंसए ताँ बिमिंबै पबित्र म्‍हिमैंइ बिब् धोंले तोन्दोंरि सैमैं छारा लबै त्हे आखन् समा ख्रीष्‍ट स्वर्गर्न टिल् त्हुम्।

१ कोरिन्थी 7:5

छतसि क्‍हेमैं क्‍ह्रिसि टिबै ल्हागिर घ्रिइ बिब घ्रिइ ङिंल् त्हुम्। दिलेया प्राथना लबै ल्हागिर क्हेमैं सल्‍ला लसि तिस्या स्यो तलेया लिउँइँ क्‍हेमैं बालुन् तल् त्‍हुम्। छ आलस्याँ क्‍हेमैंइ सैं फैल् आखाँबइले दुष्‍टइ मौका योंल् खाँम्।

२ कोरिन्थी 11:2

तलेबिस्याँ क्‍हेमैं कन्‍ये धों तब् ग, ख्रीष्‍टने बालुन् ब्ह्‍या लमिंबै ल्हागिर ङइ क्हेमैंलाइ ह्रिथेंइमुँ। छतसि क्‍हेमैंए फिर्बै ङए ह्रिस परमेश्‍वरल् धोंन् तबै ह्रिस ग।

२ कोरिन्थी 11:27

झाइले गारो केमैं लल् त्‍हुइ, ल्हें खे न्‍हरु च्‍हुइल् आयों, फो ख्रेंन्ले क्यु पिल्‍ले टिल् त्‍हुइ, ल्हें खे चल् आयोंल्‍ले, बास आयोंल्‍ले, क्वें खिल् आयोंल्‍ले टिल् त्‍हुइ।

२ कोरिन्थी 6:5

धोंलै, टिंलै, झेलर च्युलै, हुल त्हुँसि दुःख पिंलै, गारो केमैं लल् त्‍हुलै, न्‍हरु च्‍हुइल् आयोंलै, चल्-थुँल् आयोंलै,

दर्शन 19:7

छतसि ङ्यो बेल्‍ले सैं तोंले, खीलाइ थेब लले। तलेबिस्याँ क्‍यु च्हजए ब्ह्‍या लबै त्हिंइ खइमुँ। क्‍यु च्हजए प्‍ह्रेंस्‍योइ ह्रोंसलाइ पैरिदिइमुँ।

दर्शन 21:9

झाइले परमेश्‍वरए ह्रिसइ प्लिंबै प्हेल ङि छेबै स्‍वर्गदूत ङि न्‍होंर्बै घ्रि ङ ङाँर खसि बिइ, “खो, ङइ क्हिलाइ क्‍यु च्हजए प्‍ह्रेंस्‍यो उँइँमिंस्‍यो।”