मर्कूस 2:2 - परमेश्‍वरए ताँ तमु क्युइर

² छतसि ल्‍हें म्‍हिमैं खी टिबै क्ल्ह्‍योर खागु तखइ। ल्हें म्हि खागु तमा चर क्हुँबै क्‍ल्‍ह्‍यो आयोंल, ह्‍युरै या राबै क्‍ल्‍ह्‍यो आरेल। तलेबिस्याँ चर येशूजी म्हिमैंने परमेश्‍वरए ताँ बिमिंरिल।

मर्कूस 2:2 ပူးပေါင်းရင်းမြစ်များ

भजनमैं 40:9

ओ याहवेह, क्हिजी ङिलाइ जोगेमिंम् बिबै ताँ ङइ थेबै म्हि च्होंर बिइमुँ। ङए सुँइ चु ताँ आपोंन्ले टिल् आखाँ बिसि क्हिजी छेनाले सेइमुँ।

मत्ती 5:2

झाइले खीजी चमैंने छ बिसि लोमिंबर होंइ:

मर्कूस 1:14

हेरोद म्रुँइ बप्‍तिस्‍मा पिंबै यूहन्‍ना झेलर च्युवाबै लिउँइँ येशू गालील ह्‍युलर एह्‍यासि परमेश्‍वरउँइँले खबै सैं तोंबै ताँ बिमिंइ।

मर्कूस 1:33

नाँसर्बै ताँन् म्‍हिमैं सिमोनए धिंर्बै ह्‍युर खागु तखल।

मर्कूस 1:37

चमैंइ येशूलाइ त्होसि “ताँन् म्हिमैंइ क्‍हि म्‍हैरिइमुँ,” बिइ।

मर्कूस 1:45

दिलेया च म्‍हि ह्‍यासि येशूजी खी सल् लमिंबै ताँ म्हिमैंने बिप्रइ। छतमा येशू म्हिमैंइ म्रोंन्ले नाँसजरे प्रल् आयों, छतसि खी खाबै आरेबै क्ल्ह्‍योजरे टिइ। दिलेया खन्तोदोंउँइँले म्‍हिमैं येशूलाइ म्‍हैदै चर खइ।

मर्कूस 2:1

दे त्हिंइ लिउँइँ येशू धबै कफर्नहुमर एखइ। छतमा खी धिंर्न मुँ बिब चर्बै म्हिमैंइ सेइ।

मर्कूस 2:13

येशू धबै तालए छ्योगर ह्‍यामा म्हिए हुल खी ङाँर खइ। धै खीजी चमैंलाइ परमेश्‍वरए ताँ लोमिंइ।

मर्कूस 6:34

येशू तालए छेउर फेसि डुँङ्गाउँइँले त्‍होंमा ल्हें म्हि म्रोंइ। चमैं म्रोंसि खीए सैंर ल्‍हयो खइ तलेबिस्याँ चमैं प्ह्रोंछैं आरेबै क्‍युमैं धोंन् तरिल। छतसि येशूजी चमैंलाइ ल्‍हें ताँमैं लोमिंबर होंइ।

लूका 12:1

च त्हेर्न हजार हजार म्‍हिमैं चर खागु तइ। छले ल्हें म्‍हिमैं तमा म्हिइ म्‍हिन् प्लेबर होंइ। धै येशूजी ओंसों ह्रोंसए चेलामैंने बिइ, “फरिसीमैंए क्हेंर झोंबै प्लेढाउँइँले जोगेइ टिद्। चमैंल स्‍योलिबै ताँमैं लोमिंबै बानि मुँ। छतसि छेनाले ताँ क्होसि न्ह क्रों मि क्रोंले टिद्।

लूका 5:17

तिगें येशूजी परमेश्‍वरए ताँ म्हिमैंने लोमिंरिमा गालील नेरो यहूदीया ह्‍युलर्बै ताँन् नाँसउँइँले धै यरूशलेमउँइँले खबै फरिसीमैं नेरो शास्‍त्रिमैं या येशूए रेर क्हुँरिल। याहवेह परमेश्‍वरए नब् सल् लबै शक्‍ति येशूने मुँल।

लूका 8:1

च लिउँइँ येशू सहर-सहर, नाँस-नाँसर स्‍युरसि परमेश्‍वरए ग्याल्सर्बै सैं तोंबै ताँ बिप्रइ। खीने बालु च्युसे ङ्हिं चेलामैं या मुँल।

लूका 8:11

येशूजी चमैंने बिइ, “अहानए अर्थ चु ग: प्‍लु बिब परमेश्‍वरए ताँ ग।

चेला चिब्मैंए केमैं 11:19

स्‍तिफनस सैवाबै लिउँइँ प्रभुए फिर बिश्‍वास लब्मैंलाइ ल्हाबइले ताँन् भौदियाइ। दिलेया को-कोइ फोनिके, साइप्रस नेरो एन्‍टिओखिया बिबै ह्‍युलमैं समा फेनेसि अरू ह्रेंमैंने आबिल्‍ले यहूदीमैंने मत्‍त्रे परमेश्‍वरए ताँ बिप्रइ।

चेला चिब्मैंए केमैं 14:25

चमैंइ पर्गा सहररै या परमेश्‍वरए ताँ बिमिंसि अटालिया नाँसर तयुइ।

चेला चिब्मैंए केमैं 16:6

पबित्र प्ल्हजी एशिया ह्‍युलरि प्रभुए ताँ बिल् आपिंबइले चमैं फ्रिगिया नेरो गलातिया ह्‍युल ततै ह्‍यामा

चेला चिब्मैंए केमैं 8:25

झाइले चमैंइ प्रभुए बारेर ग्वाइ पिंसि प्रभुए ताँ लोमिंल् खाँबै लिउँइँ सामरीमैंए नाँसजरे सैं तोंबै ताँ बिमिंदै चमैं यरूशलेमर एखइ।

रोमी 10:8

बरु ठिमए ताँ चु ग, “परमेश्‍वरए ताँ क्‍हेमैंए ङाँर्न मुँ। क्‍हेमैंए सुँ नेरो सैं न्‍होंर्न मुँ।” ङिइ म्हिमैंने बिमिंबै ताँ: येशूए फिर बिश्‍वास लद् बिबै सैं तोंबै ताँ ग।

२ तिमोथी 4:2

प्रभुउँइँले खबै सैं तोंबै ताँ म्हिमैंने बिप्रद्। खैतबै त्हर्न बिलैया प्रभुउँइँले खबै सैं तोंबै ताँमैं बिब्रें लद्। म्हिमैंलाइ अर्थि बुद्धि पिंन्। चमैंए सैं क्होबै ताँमैं लद्। आतबै ताँमैंर हौदिद् धै म्हिमैंलाइ छेनाले लोदा सैंदा लद्।