मर्कूस 16:2 - परमेश्‍वरए ताँ तमु क्युइर

² आइतबार न्‍हाँगर्न त्‍हिंयाँ प्योमा चमैं येशू थेंबै छगोंर ह्‍याइ।

मर्कूस 16:2 ပူးပေါင်းရင်းမြစ်များ

मत्ती 28:1

प्रिबै त्हिंइए प्हँन्हाँग्धों आइतबार न्‍हाँक्‍कर्न मि म्रोंबै छझँ मग्‍दालाथेंस्‍यो मरियम नेरो अर्को मरियम छगों ङ्‌ह्‍योबर ह्‍याइ।

मर्कूस 16:1

प्रिबै त्हिंइ लिउँइँ मग्‍दालाथेंस्‍यो मरियम, याकूबए आमा मरियम नेरो सलोमि बिबै च्हमिरिमैंइ येशूए सिनुर फोब् बिसि लिंबै थाँ खबै छ्युगु किंइ।

मर्कूस 16:3

छले ह्‍यारिमा चमैंइ “ङ्योए ल्हागिर खाबइ च उए सुँर्बै युँमा प्लिंमिंम् ङ्‍हे?” बिरिल।

लूका 24:1

झाइले आइतबार न्‍हाँक्‍कर्न च्हमिरिमैं खेंमैंइ बनेबै लिंबै थाँ खबै छ्युगु बोसि येशू थेंबै उर ह्‍याइ।

यूहन्‍ना 20:1

आइतबार न्हाँगर्न मि छेनाले आम्रोंबर्न मग्दालाथेंस्यो मरियम छगोंर ह्‍यामा छगोंउँइँले युँमा स्योथेंब् म्रोंइ।