मर्कूस 16:17 - परमेश्‍वरए ताँ तमु क्युइर

¹⁷ बिश्‍वास लब्‍मैंइ ङए शक्‍ति योंसि छाबै औदिबै चिनुमैं लल् खाँब्मुँ: चमैंइ ङए मिं किंसि मोंमैं ल्‍हाब्‍मुँ, छारा क्युइमैं पोंब्‍मुँ।

मर्कूस 16:17 ပူးပေါင်းရင်းမြစ်များ

मर्कूस 9:38

यूहन्‍नाइ येशूने बिइ, “ओ गुरु, म्‍हि घ्रिइ क्‍हिए मिं किंसि मोंमैं ल्‍हारिब ङिइ म्रोंइ। ङिइ चने ‘छाबै के लल् आयों’ बिसि लल् आपिं, तलेबिस्याँ च ङ्योए टोलिर्बै म्‍हि आङिंल।”

लूका 10:17

च लिउँइँ ङिच्यु चेलामैं बेल्‍ले सैं तोंदै येशू ङाँर एखसि बिइ, “ओ प्रभु, ङिइ क्‍हिए मिं किंसि मोंमैं ल्‍हामा चमैंइ ङिइ बिबै ताँ ङिंइ।”

यूहन्‍ना 14:12

“क्ह्रोंसेंन ङ क्हेमैंने बिमुँ, ङलाइ बिश्‍वास लब्मैंइ ङइ लबै केमैं लब्मुँ। च भन्दा थेबै केमैं या लब्मुँ। तलेबिस्याँ ङ आबा ङाँर ह्‍यासिन् मुँ।

चेला चिब्मैंए केमैं 10:46

तलेबिस्याँ स्यो-स्योबै क्युइर पोंसि चमैंइ परमेश्‍वरए मिं क्वेरिब चमैंइ थेइ। छतब् म्रोंसि पत्रुसइ बिइ,

चेला चिब्मैंए केमैं 16:18

चइ ल्हें त्हिंइ समा छान् बिरिइ। छतमा पावल छोंरों ङ्हाँसि फनक्‍क तोसि च मोंने बिइ, “येशू ख्रीष्‍टए मिंर क्हि च च्हमिरि ङाँइले त्होंसि ह्‍याद्।” छ बिबै तोंदोंन् च मों त्होंह्‍याइ।

चेला चिब्मैंए केमैं 19:6

झाइले पावलइ चमैंए फिर यो थेंमा पबित्र प्ल्ह चमैं फिर युइ, धै चमैं स्यो-स्योबै क्युइर पोंब नेरो अगमबाणि लबर होंइ।

चेला चिब्मैंए केमैं 2:33

परमेश्‍वर आबाजी येशूलाइ थेब् लमिंसि खीए क्‍योलोउँइँ थेंइँमुँ। धै ह्रोंसजी बाछा फैब् धोंले येशूलाइ पबित्र प्ल्ह पिंइ। च पबित्र प्ल्ह प्रभु येशूजी तोगो ङिए फिर कुमिंब् ग। चु ताँमैं क्हेमैंइ तोगो थेइमुँ, म्रोंइमुँ।

चेला चिब्मैंए केमैं 5:16

यरूशलेमजरेबै ह्‍युलउँइँले या ल्हें म्हिइ नब्मैं, नेरो दुष्‍टइ ह्रुगुदिब्मैं पइ खमल, धै चमैं ताँन् सयामल।

चेला चिब्मैंए केमैं 8:7

तलेबिस्याँ ल्हें म्हिउँइँले मोंमैं थेबै कैले ओरसि त्होंमल। छलेन यो प्हले ओलेल् आखाँबै ल्हें स्याले म्हिमैं या सल् लमिंइ।

१ कोरिन्थी 12:10

छलेन कोइइ औदिबै केमैं लब, कोइइ अगमबाणि पोंब, कोइइ पबित्र प्ल्हउँइँले खबै ताँ नेरो दुष्‍टउँइँले खबै ताँमैं फेलल् खाँब, कोइइ ल्हें खालर्बै क्युइ पोंल् ह्रब, कोइइ च क्युइमैं क्होबै बरदान योंइमुँ।

१ कोरिन्थी 12:28

ख्रीष्‍टए फिर बिश्‍वास लब्मैं न्‍होंरि परमेश्‍वरजीन् केए भाग थेंमिंइँमुँ। ओंसोंबै कुल्मिंबै चेला चिब्मैं, ङ्हिं अगमबक्‍तामैं, सों परमेश्‍वरए बारेर ताँ लोमिंबै म्‍हिमैं, झाइले परमेश्‍वरए मिंर औदिबै के लब्मैं, नब् छब् सल् लबै बरदान योंब्‍मैं, अरूमैंलाइ ल्होमिंब्‍मैं, रेखदेख लब्मैं, ल्हें खालर्बै क्युइ पोंब्‍मैं ताँनलाइ परमेश्‍वरजी खेंमैंए क्‍ल्‍ह्‍योर थेंमिंइमुँ।

१ कोरिन्थी 12:30

छलेन ताँनने नब सल् लबै बरदान आत, ताँनइ ल्हें खालर्बै क्युइ पोंल् आखाँ, ताँनइ क्युइमैं क्होल् आखाँ।

१ कोरिन्थी 13:1

ङइ म्‍हिमैंए ल्हें खालर्बै क्युइमैं नेरो स्‍वर्गदूतमैंए क्युइर पोंलेया ङइ अरूमैंए फिर म्हाँया आलस्‍याँ, ङइ पोंबै ताँ ड्वाँ ड्वाँले ह्राबै ङ्‌ह नेरो झ्याँइ झ्याँइले ह्राबै छ्योंले धोंन् तम्।

१ कोरिन्थी 14:2

तलेबिस्याँ म्हिमैंइ क्होल् आखाँबै क्युइ पोंबै म्हिमैंइ म्‍हिमैंने आङिं, परमेश्‍वरने पोंम्, तलेबिस्याँ खाबज्‍यै या चए ताँ आक्‍हो। चइ परमेश्‍वरए प्ल्हए भोंउँइँले म्हिमैंइ क्होल् आखाँबै ताँमैं पोंम्।