मर्कूस 16:10 - परमेश्‍वरए ताँ तमु क्युइर

¹⁰ मरियम ह्‍यासि येशूए चेलामैंने “येशू धबै सोगों तसि खइमुँ” बिइ, च त्हेर चमैं बेल्‍ले शोक लसि क्रोब-म्‍होब लरिल।

मर्कूस 16:10 ပူးပေါင်းရင်းမြစ်များ

मत्ती 19:22

छ बिब् थेसि च फ्रेंसिं सैं च्योंब् लसि एह्‍याइ, तलेबिस्याँ चए सै न्होर ल्हें मुँल।

मत्ती 24:30

च लिउँइँ मुर म्हिमैंइ म्हिए च्हए चिनु म्रोंब्मुँ। धै म्हिए च्ह मुउँइँले थेबै शक्‍ति नेरो म्हारल्‍ले न्हाँम्स्योर युरिब म्हिमैंइ म्रोंब्‍मुँ। च त्हेर ताँन् ह्रें-ह्रेंर्बै म्हिमैं बेल्‍ले न्हुँ लसि क्रोब म्होब तब्मुँ।

मत्ती 9:15

येशूजी चमैंने बिइ, “प्ह्रेंरो जन्तिमैंने बालु मुँमा चमैंइ शोक लम्‍मा? दिलेया च त्हे खब्मुँ, प्ह्रेंरो चमैंउँइँले बोयाब्मुँ। चमैं सैं आतोंसि बर्त टिब्‍मुँ।”

मर्कूस 14:72

छ बिबै तोदोंन् ङ्हिखेबै लार नग भाले ओरइ। च लिउँइँ मत्‍त्रे पत्रुसइ ओंसोंन् येशूजी “तिंयाँ म्‍हुँइँसर ङ्हिखेबै लार नग भाले ओरब् ओंसोंन् सोंखे समा क्हिइ ङलाइ ङो आसे बिब्‍मुँ,” बिबै ताँ मैंसि पत्रुस बेल्‍ले क्रोइ।

लूका 24:17

“क्‍हेमैं प्रदै तो ताँए बारेर छलफल लरिल?” बिसि येशूजी चमैंने ङ्योएमा चमैं प्ररिबै तोंर्न सैं आतोंब् धोंले रायइ।

यूहन्‍ना 16:6

दिलेया ङइ चु ताँ बिबइले क्हेमैंए सैंर बेल्‍ले न्हुँ तइमुँ।

यूहन्‍ना 20:18

छबिमा मग्दालाथेंस्यो मरियम ह्‍यासि चेलामैंने “ङइ प्रभु म्रोंइ!” बिबै ताँ नेरो प्रभुजी बिबै ताँ या चमैंने बिइ।