मर्कूस 16:1 - परमेश्‍वरए ताँ तमु क्युइर

¹ प्रिबै त्हिंइ लिउँइँ मग्‍दालाथेंस्‍यो मरियम, याकूबए आमा मरियम नेरो सलोमि बिबै च्हमिरिमैंइ येशूए सिनुर फोब् बिसि लिंबै थाँ खबै छ्युगु किंइ।

मर्कूस 16:1 ပူးပေါင်းရင်းမြစ်များ

उत्पत्ति 50:2

झाइले योसेफइ ह्रोंसए के लबै बैद्यमैंने ह्रोंसए आबाए सिनुर लिंबै थाँ खबै मसला फोबर ल्हैदिमा च बैद्यमैंइ याकूबए सिनुर लिंबै थाँ खबै मसला फोमिंइ।

मर्कूस 14:3

च त्हेर येशू बेथानिया बिबै नाँसर सिमोन बिबै कोर खबै म्‍हि घ्रिए धिंर कैं चबर क्हुँमा च्हमिरि घ्रिइ सिङ्गमरमरए सिसा घ्रिर जटामसि बिबै सै ल्हें फेबै अत्तर पखइ। धै चइ सिसा तिसि येशूए क्रर अत्तर युमिंइ।

मर्कूस 14:8

चु च्हमिरिइ तो लल् खाँमुँ चन् लइ। चइ अत्तर फोमिंसि ङए ज्यु पाबै ल्हागिर तयार लइमुँ।

मर्कूस 15:40

चर च्हमिरिमैं या ह्रेंगोउँइँले ङ्‌ह्‍योरिल। चमैंए म्‍हाँजोरि मरियम बिबै मग्‍दालाथेंस्‍यो, च्‍योंब याकूब, योसेफए आमा मरियम नेरो सलोमि बिबै च्हमिरि मुँल।

मर्कूस 15:42

प्रिबै त्हिंइए ओंसोंबै त्हिंइ तसेरो च त्हिंइ “प्रिबै त्हिंइए ल्हागिर चैदिबै सैमैं तौदु लथेंबै त्हिइ” बिमल।

मर्कूस 15:47

मग्‍दालाथेंस्‍यो मरियम नेरो योसेफए आमा मरियमइ येशूलाइ छगोंर थेंब ङ्‌ह्‍योरिल।

मर्कूस 16:2

आइतबार न्‍हाँगर्न त्‍हिंयाँ प्योमा चमैं येशू थेंबै छगोंर ह्‍याइ।

मर्कूस 16:8

छबिमा च च्हमिरिमैं अचम्‍म ङ्हाँसि त्हारदै छगोंउँइँले त्‍होंसि न्हेह्‍याइ। चमैंइ खाबने या तोइ आबि, तलेबिस्याँ चमैंए सैं ङ्हिंरिल।

लूका 23:54

प्रिबै त्हिंइ खबि छेल। छतसि च त्हिंइ प्हँन्हाँबै प्रिबै त्हिंइए ल्हागिर तोन्‍दोंरि सै तौदु लथेंल् त्हुबै त्हिंइ मुँल।

लूका 23:56

च लिउँइँ चमैं खेंमैं टिबै क्‍ल्‍ह्‍योर एह्‍यासि येशूए सिनुर फोब् बिसि अत्तर नेरो मलममैं बनेइ। झाइले छ्वेर बिब् धोंले प्रिबै त्हिंइर चमैंइ भों न्‍हइ।

लूका 24:1

झाइले आइतबार न्‍हाँक्‍कर्न च्हमिरिमैं खेंमैंइ बनेबै लिंबै थाँ खबै छ्युगु बोसि येशू थेंबै उर ह्‍याइ।

यूहन्‍ना 19:25

येशूए क्रूस ङाँर्न खीए आमा, खीए आमाए अङाँ, क्लोपासए प्ह्रेंस्यो मरियम नेरो मरियम बिबै मग्दालाथेंस्यो रारिल।

यूहन्‍ना 19:31

च त्हिंइ प्रिबै त्हिंइए ल्हागिर चैदिबै सैमैं तयार लबै त्हिंइ मुँल। यहूदीमैंइ प्रिबै त्हिंइर के आलमल। धै च खास प्रिबै त्हिंइ मुँल। छतसि सिनुमैं क्रूसर आतरिगे बिसि चमैंइ पिलातसने यो छ्युँ लसि “चमैंए प्हले चोवासि चमैंए ज्यु बोयारिगे,” बिइ।