मर्कूस 15:34 - परमेश्‍वरए ताँ तमु क्युइर

³⁴ सों ह्राबै त्हेजरे येशूजी थेबै कैले बिइ, “इलोइ, इलोइ, लामा सबखथनि?” (छ बिबै अर्थ “ओ ङए परमेश्‍वर, ओ ङए परमेश्‍वर, क्‍हिजी ङलाइ तले पिवाल?” बिब् ग।)

मर्कूस 15:34 ပူးပေါင်းရင်းမြစ်များ

भजनमैं 22:1

ओ ङए परमेश्‍वर, ओ ङए परमेश्‍वर, क्हिजी ङ तले पिवाल? सैं आतोंसि क्रोसेया ङ आजोगेमिंल्‍ले क्हि तले ङ ङाँइँले ह्रेंगो तल?

भजनमैं 27:9

ओ ङए मुक्‍ति पिंबै परमेश्‍वर! क्हिए मोंड ङ ङाँइँले आलोमिंन्, ह्रिस खमा क्हिए के लबै म्हिलाइ आस्योमिंन्। ङलाइ जोगेमिंबै परमेश्‍वर क्हि ग। छतसि ङलाइ आपिमिंन्।

भजनमैं 42:9

ङए परमेश्‍वरने, ङ लोबै पाराने, ङइ बिम्: “क्हिजी तले ङ म्‍लेल? शत्तुरमैंइ क्र ओल् आपिंसि ङ तले न्हुँ लसि प्ररिल् त्हुइमुँ?”

भजनमैं 71:11

“परमेश्‍वरजी चलाइ पिवाइमुँ; छतसि चलाइ ल्हाबोसि क्हाद्, तलेबिस्याँ चलाइ जोगेब खाबै आरे।”

मत्ती 27:45

झाइले त्हिंयाँर्बै च्युसे ङ्हिं ह्राबै त्हेसेरो सों ह्राबै त्हे समा ह्‍युल तिगोंन् मिछु खैयाइ।

मत्ती 27:46

सों ह्राबै त्हेजरे येशू छ बिदै थेबै कैले ओरइ, “इलोइ, इलोइ, लामा सबखथनि?” (चुए अर्थ “ओ ङए परमेश्‍वर, ओ ङए परमेश्‍वर, क्‍हिजी ङलाइ तले पिवाल?”)

मर्कूस 15:25

चमैंइ येशूलाइ क्रूसर च्योवामा न्‍हाँगर्बै कु ह्राल।

मर्कूस 15:35

चर राबै कोइ म्‍हिमैंइ येशूजी बिबै ताँ आक्होसि बिइ, “थेत्ति, चइ स्‍योंम्‍बै एलिया हुइरिइमुँ।”

लूका 23:44

त्‍हिंयाँ आधा तमा ह्‍युल तिगोंन् घण्‍टा सोंदे समा मिछु खैयाइ।

लूका 23:46

झाइले येशूजी थेबै कैले बिइ, “ओ आबा, ङए प्ल्ह ङइ क्‍हिए योर्न थेंमुँ।” च्हौ बिसि येशूजी खीए सो पिवाइ।

चेला चिब्मैंए केमैं 10:3

तिगें त्हिंइर्बै सों ह्राबै त्हेजरे परमेश्‍वरए स्वर्गदूत घ्रि दर्शनर च ङाँइ युसि, “ओ कर्नेलियस!” बिरिब चइ थेइ।

हिब्रू 5:7

येशू ह्‍युलर मुँमा खीलाइ सिबउँइँले सोगों लमिंल् खाँबै परमेश्‍वरने बेल्‍ले क्रोदै थेबै कैले प्राथना लइ। खीजी छले सैं न्होंउँइँले यो छ्युँ लसि प्राथना लबइले परमेश्‍वरजी खीए प्राथना थेमिंइ।