मर्कूस 15:32 - परमेश्‍वरए ताँ तमु क्युइर

³² च यहूदीमैंए म्रुँ बिबै ख्रीष्‍ट मुँस्याँ तारे क्रूसउँइँले तसि युरिगे। च क्रूसउँइँले तसि युब् म्रोंस्याँ मत्‍त्रे ङिइ चए फिर बिश्‍वास लब्मुँ।” खीने बालु क्रूसर च्योवाबै म्‍हिमैंज्यै या येशूए बिल्‍लि लइ।

मर्कूस 15:32 ပူးပေါင်းရင်းမြစ်များ

मत्ती 1:17

छले खे अब्राहामए पलोसेरो दाऊद म्रुँए पलो समा च्युसे प्लि पुस्‍ता तल। दाऊद म्रुँए पलोसेरो यहूदीमैंलाइ बेबिलोन ह्‍युलउँइँ बोयाबै त्हे समा अर्को च्युसे प्लि पुस्‍ता तल। झाइले च त्हेसेरो परमेश्‍वरजी कुलबै म्रुँ ख्रीष्‍ट फिबै त्हे समा च्‍योमा अर्को च्युसे प्लि पुस्‍ता तल।

मत्ती 27:42

“चुइ अरूमैं जोगेमिंइ, ह्रोंसलाइ बिस्‍याँ जोगेल् आखाँ। चु इस्राएलीमैंए म्रुँ ग बिस्‍याँ तोगो क्रूसउँइँले सर तयुल् खाँरिगे। छ लल् खाँस्‍याँ ङिज्यै या क्वेंब्मुँ।

मत्ती 27:44

येशूने बालु क्रूसर च्योवाबै ह्‍योमैंज्यै या छलेन् खीए बिल्‍लि लइ।

मर्कूस 15:26

झाइले “यहूदीमैंए म्रुँ” बिसि खीए फिर छ्याब् ल्हैदिबै ताँ क्रूसर प्‍ह्रिथेंल।

मर्कूस 15:27

चमैंइ येशूलाइ क्रूसर च्योवामा ह्‍योमैं ङ्हिं या घ्रि खीए क्योलो हार, घ्रि खीए त्हेब्रेहार क्रूसर च्योवाइ।

यूहन्‍ना 1:49

नथानेलइ खीने बिइ, “रब्बि, क्‍हि परमेश्‍वरए च्‍ह ग! क्हि इस्राएलर्बै म्रुँ ग!”

यूहन्‍ना 12:13

झाइले चमैंइ छोडाए हाँगमैं छेसि “होसन्‍ना! याहवेहए मिंर युबै इस्राएलर्बै म्रुँए जय जय तरिगे!” बिदै ओरदै खीए मान लबर त्होंइ।

रोमी 3:3

यहूदीमैं न्होंर्बै को-कोइइ खीए पबित्र बचन आक्वेंरि तो तइ दि? चमैंइ आक्वेंलै या परमेश्‍वर भर लल् खाँबन् मुँ।

२ तिमोथी 2:18

चमैंइ क्ह्रोंसेंन्बै ताँ आपों, चमैंइ म्हिमैं सिबइले सोगों लमिंबै के ओंसोंन् तयाइमुँ बिसि स्योलिबै ताँ पोंम्। चमैंए ताँ थेसि कति म्हिमैंलम् सैं ङ्हिरि तयाइमुँ।