मर्कूस 15:26 - परमेश्‍वरए ताँ तमु क्युइर

²⁶ झाइले “यहूदीमैंए म्रुँ” बिसि खीए फिर छ्याब् ल्हैदिबै ताँ क्रूसर प्‍ह्रिथेंल।

मर्कूस 15:26 ပူးပေါင်းရင်းမြစ်များ

भजनमैं 2:6

“सियोन बिबै ङए पबित्र कोंर ङइ ह्रोंसए म्रुँ थेंइमुँ,” बिसि खीजी बिम्।

भजनमैं 76:10

क्ह्रोंसेंन् म्हिमैंने क्हिए ह्रिस खमा क्हिए मिंन् थेब् लब्मुँ; झाइले क्हिए ह्रिसउँइँले सोब्मैंइ आछ्याँबै के लब पिवाब्मुँ।

हितोपदेश 21:1

म्रुँए सैं याहवेहए योर मुँ, स्योंर्बै क्यु धोंले चलाइ खनि बोदा ङ्‍हाँमुँ छाइन खीजी लल् खाँम्।

मत्ती 2:2

च ङ्‌ह्‍योब् लिब्मैंइ बिइ, “यहूदीमैंए म्रुँ तसि फिबै कोलो खनिर मुँ? तलेबिस्याँ खी फिइमुँ बिसि सेल् पिंबै मुसारा ङिइ स्यारउँइँले त्‍होंब म्रोंइ। छतसि खीलाइ फ्योबर ङि चुर खइमुँ।”

मत्ती 27:37

“येशू यहूदीमैंए म्रुँ ग बिसि खीए बिरोधर छ्याब् ल्हैदिसि प्ह्रिबै काउद खीए क्रए क्होउँइँ चमैंइ टौंदिथेंइ।”

मर्कूस 15:2

पिलातसइ येशूने “क्‍हि यहूदीमैंए म्रुँ वा?” बिसि ङ्योएमा खीजी चने ज्वाइ पिंइ, “क्‍हिइन छ बिरिइमुँ दि।”

मर्कूस 15:27

चमैंइ येशूलाइ क्रूसर च्योवामा ह्‍योमैं ङ्हिं या घ्रि खीए क्योलो हार, घ्रि खीए त्हेब्रेहार क्रूसर च्योवाइ।

मर्कूस 15:32

च यहूदीमैंए म्रुँ बिबै ख्रीष्‍ट मुँस्याँ तारे क्रूसउँइँले तसि युरिगे। च क्रूसउँइँले तसि युब् म्रोंस्याँ मत्‍त्रे ङिइ चए फिर बिश्‍वास लब्मुँ।” खीने बालु क्रूसर च्योवाबै म्‍हिमैंज्यै या येशूए बिल्‍लि लइ।