मर्कूस 15:15 - परमेश्‍वरए ताँ तमु क्युइर

¹⁵ छतमा पिलातसइ च म्हिमैंए सैं तोंन् लबर बरब्‍बालाइ पिमिंइ, येशूलाइ बिस्याँ कोर्राइ प्रुल् पिंसि क्रूसर च्योवाबर पिंवाइ।

मर्कूस 15:15 ပူးပေါင်းရင်းမြစ်များ

भजनमैं 129:3

क्ल्याछैंमैंइ ङए क्होर क्ल्योइ; चमैंइ खेंमैंए क्होरए फलिइ ङए क्हो तिगोंन् क्ल्योइ।

भजनमैं 57:11

ओ परमेश्‍वर, क्हि मु भन्दा क्होवाइ मुँ बिसि ताँन् म्हिमैंने उँइँमिंन्! क्हिए थेबै मिंए बयन ह्‍युल् तिगोंन् तरिगे!

हितोपदेश 29:25

म्हि म्रोंसि ङ्हिंब्मैं ङोर फेम्, दिलेया याहवेहए फिर भर लब्मैं तोइ सैने ङ्हिंल् आत्हु।

मत्ती 20:19

झाइले खीलाइ बिल्‍लि लसि कोर्राइ प्रुसि क्रूसर च्योवाद् बिसि चमैंइ अरू ह्रेंमैंए योर पिंवाब्‍मुँ, दिलेया सोंरोंर खी धबै सोगों तसि खब्‍मुँ।”

मत्ती 27:26

छतसि पिलातसइ चमैंइ बिब् धोंलेन् बारब्‍बा पिमिंइ, येशूलाइ बिस्याँ कोराइ प्रुसि क्रूसर च्‍योवाबर सिपाइमैंए योर पिंवाइ।

मर्कूस 10:34

चमैंइ ङ थुइब्‍मुँ, बिल्‍लि लब्‍मुँ, बर्साइ ल्हिब्‍मुँ धै सैवाब्‍मुँ। दिलेया सोंरों लिउँइँ ङ धबै सोगों तसि खब्मुँ।”

मर्कूस 15:14

पिलातसइ चमैंने “तले? चइ आछ्याँबै के तो लइमुँ?” बिसि ङ्योएमा चमैं झन थेबै कै तेसि “चलाइ क्रूसर च्योवाद्,” बिइ।

लूका 18:33

चमैंइ खी कोर्राइ प्रुब्मुँ धै क्रूसर च्योवासि सैवाब्‍मुँ। दिलेया सोंरोर खी धबै सोगों तसि खब्‍मुँ।”

लूका 23:16

छतसि ङइ चु कोर्राइ प्रुसि पिमिंम्।”

यूहन्‍ना 19:1

झाइले पिलातसइ येशू न्होंर बोसि कोर्राइ प्रुबर ल्‍हैदिइ।

यूहन्‍ना 19:16

झाइले पिलातसइ येशूलाइ क्रूसर च्योवाद् बिसि यहूदीमैंए योर पिंवाइ। धै सिपाइमैंइ येशू बोयाइ।

चेला चिब्मैंए केमैं 24:27

दिलेया ङ्हिंदिं लिउँइँ फेलिक्सए क्ल्ह्‍योर पर्किअस फेस्‍तस बिबै क्रथे खइ। झाइले फेलिक्सइ यहूदीमैं सैं तोंन् लबर पावल झेलर्न वाथेंसि ह्‍याइ।

चेला चिब्मैंए केमैं 25:9

दिलेया फेस्‍तसइ यहूदीमैं सैं तोंन् लबर पावलने बिइ, “यरूशलेमर ह्‍यासि चर्न ङइ चु ताँए बारेर निसाफ लम् क्हिए सैं तो मुँ? तम् उ आत?”

गलाती 1:19

दिलेया चर प्रभुए अलि याकूबलाइ मत्‍त्रे ङइ त्होइ, अरू कुल्मिंबै चेला चिब खाबलाज्यै या आत्‍हो।

१ पत्रुस 2:24

ङ्यो पापए ल्हागिर सिसि आछ्याँबै के लब् पिसि छ्याँबै के लदै छ्ह थोरिगे बिसि ङ्योइ लबै पापए सजैं खीए ज्युर नोसि ख्रीष्‍ट क्रूसर सिमिंइ। खीजी चबै चोटउँइँलेन् क्‍हेमैं सयाइमुँ।