मर्कूस 14:54 - परमेश्‍वरए ताँ तमु क्युइर

⁵⁴ पत्रुस बिस्‍याँ दे ह्रेंगोले येशूए लिलि ल्‍हैदिसि ख्रो पिंबै खेगि क्रथेए ह्‍युर फेखसि ख्रो पिंबै खेगि क्रथेए पालेमैंने मि त्‍हिबर होंइ।

मर्कूस 14:54 ပူးပေါင်းရင်းမြစ်များ

मत्ती 26:3

झाइले ख्रो पिंबै खेगि चिब्मैं नेरो यहूदी चिबनाँब्मैं कैयाफा बिबै ख्रो पिंबै खेगि क्रथेए दरबारर खागु तइ।

मत्ती 26:58

पत्रुस या दे ह्रेंगोले येशूए लिलि ख्रो पिंबै खेगि क्रथेए धिंर्बै ह्‍यु समा ह्‍याइ। धै “लिउँइँ तो तमगे” बिसि ङ्‌ह्‍योबर न्होंर होंसि पालेमैंने बालु क्हुँइ।

मर्कूस 14:38

दुष्‍टइ क्‍हेमैंलाइ पापर आच्होरिगे बिसि न्हरु आच्हुइल्‍ले प्राथना लद्। क्‍हेमैंए सैंइ खाँलै ङ्हाँम्, दिलेया ज्युइ बिस्याँ आखाँ।”

मर्कूस 14:66

पत्रुस ह्‍युर्न टिरिमा ख्रो पिंबै खेगि क्रथेए केब्स्यो घ्रि चर खइ।

लूका 22:44

च त्‍हेर येशूए सैंर बेल्‍ले दुःख मुँल। छतमा यो छ्युँ लदै खीजी प्राथना लरिमा खीए छैब् थे-थेब कोए थब्लो धों तब सर तेरिल।

लूका 22:54

च त्‍हेर्न म्हिमैंइ येशू क्‍हासि ख्रो पिंबै खेगि क्रथेए धिंर बोइ, पत्रुस बिस्याँ दे ह्रेंगोउँइँलेन् खीए लिलि लिलि ह्‍याइ।

यूहन्‍ना 18:18

खुँबै त्हे तबइले केब्छैंमैं नेरो मन्दिर रुँब्मैं मि त्हेसि रारिल। छतसि पत्रुस या चमैंने बालु रासि मि त्हेबर होंइ।

यूहन्‍ना 18:25

सिमोन पत्रुस रासि मि त्‍हेरिल। चर्बै म्हिमैंइ चने बिइ, “क्हि या चए चेलामैं न्होंर्बै घ्रि आङिं वा?” चइ “अँहँ, ङ आङिं,” बिइ।