मर्कूस 14:50 - परमेश्‍वरए ताँ तमु क्युइर

⁵⁰ च तोदोंन् चेलामैं येशूलाइ वाथेंसि भौदिह्‍याइ।

मर्कूस 14:50 ပူးပေါင်းရင်းမြစ်များ

भजनमैं 38:11

ङए क्राँथाँ नाँबै घाइ लमा ङए थुमैं नेरो ङए ङ्‍हेब् ट्हुब्मैं ङउँइँले ह्रेंगो तम्, धै ङए परवामैं या ङ ङाँर आख।

भजनमैं 88:18

ङए थुमैं नेरो ङए फिर म्हाँया लब्मैंलाइ क्हिजी ङउँइँले ह्रेंगो लवाइ; छतसि मिछु खैबै क्ल्ह्‍यो ङने क्ह्रिबै थु तइमुँ।

मर्कूस 14:27

झाइले येशूजी चमैंने बिइ, “तारे क्‍हेमैंइ ङलाइ वाथेंसि ह्‍याब्‍मुँ तलेबिस्याँ परमेश्‍वरए छ्वेर छले प्‍ह्रिइमुँ, ‘ङइ प्‍ह्रोंछैं सैवाब्‍मुँ, धै क्‍युमैं सोग्याँ प्हुँग्या तयाब्‍मुँ।’

मर्कूस 14:49

ङइ ओंसों ओंनोंन् त्हिंइ ह्रोंसे मन्दिरर क्‍हेमैंलाइ लोमिंमा क्‍हेमैंइ ङलाइ आक्‍हा। दिलेया परमेश्‍वरए छ्वेर प्‍ह्रिबै ताँ पूरा तरिगे बिसि चु तखब् ग।”

मर्कूस 14:51

दिलेया ज्युर सुतिए क्वें मत्‍त्रे बेर्दिबै फ्रेंसि घ्रि येशूए लिलि ल्हैदिल। चमैंइ च फ्रेंसिलाज्यै या क्‍हाइ।

यूहन्‍ना 16:32

ङ्ह्‍योत्ति! त्हे खसिन् मुँ, खल् खाँइ। च त्हेर क्हेमैं खन्तोदोंन् प्हुँयासि ह्रों-ह्रोंसए धिंर ह्‍याब्मुँ धै ङ घ्रिन् वाथेंब्मुँ। दिलेया ङ घ्रि आरे, तलेबिस्याँ आबा ङने बालुन् मुँ।

यूहन्‍ना 18:8

येशूजी बिइ, “ङइ क्हेमैंने तलन् बिल् खाँइ, ङम् ङन् ग। छतसि क्हेमैंइ ङलाइ म्हैब् ग बिस्याँ चु म्हिमैंलाइ ह्‍याल् पिंन्।”

२ तिमोथी 4:16

ङइ ओंसों रोमर्बै अड्डारि राइ पोंमा खाबज्यै या ङए ख आल। बरु ताँन् ङलाइ वाथेंसि छ्युडिह्‍याइ। दिलेया चु ताँए दोष चमैंलाइ आल्हैदिरिगे।