मर्कूस 14:5 - परमेश्‍वरए ताँ तमु क्युइर

⁵ तलेबिस्याँ चु अत्तर चाँदिए सोंब्रार भन्दा ल्हेर चुँसि योंबै मुइ ङ्हाँदु‍मैंलाइ पिंल् खाँमल,” बिसि चमैंइ च च्हमिरिलाइ हौदिइ।

मर्कूस 14:5 ပူးပေါင်းရင်းမြစ်များ

भजनमैं 106:25

चमैंइ ह्रोंसए तम्बुर गनगन लइ, धै याहवेहजी बिबै ताँ आथे।

मत्ती 18:28

“दिलेया च केब्छैं बैरु त्होंह्‍यामा चइ ह्रोंसए चाँदिए मुइ प्र छे बोबै के लबै थु घ्रि त्होइ। धै ‘ङउँइँले बोबै छे फोद्’ बिसि चए खरिर क्हाइ।

मत्ती 20:11

चमैंइ ह्रोंसए नों सै योंबै लिउँइँ क्‍ल्‍हेए बिरोधर पोंबर होंइ।

मत्ती 26:9

चु अत्तर सै ल्हेर चुँसि योंबै मुइ ङ्हाँदुमैं पिंल् खाँमल।”

मर्कूस 14:4

“चु अत्तर तले छले नोक्सन लगे? बिसि को-कोइ ह्रिस लसि खेंमैंए न्होंरि बिबर होंइ।

मर्कूस 14:6

दिलेया येशूजी चमैंने बिइ, “मुँरिगे! क्हेमैं तले चुलाइ हौदिरिल? ङए ल्हागिर चुइ छ्याँबन् लइमुँ।

लूका 15:2

छाब् म्रोंसि फरिसीमैं नेरो शास्‍त्रिमैंइ “चु म्‍हिइमि आछ्याँबै के लब्मैं या खोमन। झाइले चमैंने बालुन् चब् थुँब् लमन बिसि,” गनगन लबर होंइ।

यूहन्‍ना 13:29

यहूदाने मुइ झोंबै नेंदो मुँल। छतसि “येशूजी चने ‘चाडए ल्हागिर चैदिबै सैमैं किंन्’ अथवा ‘ङ्हाँदुमैंलाइ च्हौदे मुइ पिंन्,’ बिब् मुँलै,” बिसि को-कोइ चेलामैंइ मैंइ।

यूहन्‍ना 6:43

येशूजी चमैंने बिइ, “क्‍हेमैं न्होंर गनगन आलरिद्।

यूहन्‍ना 6:7

फिलिपइ खीने बिइ, “च्‍हौ ल्‍हें म्हिमैंलाइ च्‍युगु च्‍युगु पिंना बिलेया ङ्हिब्ब्रा चाँदिए मुइइ क्हें किंलेया योरिब् आरे।”

१ कोरिन्थी 10:10

छतसि ङ्योइ गनगन लल् आत, च खेमैंइ गनगन लबइले नास लवाबै स्‍वर्गदूतइ चमैंलाइ सैवाइ।

एफिसी 4:28

ह्‍योब्मैंइ तारेपिरु आह्‍योरिगे, बरु चमैंइ ह्रोंसए योइ बेल्‍ले दुःखले के लरिगे धै खाँचो तब्मैंलाइ पिंल् खाँरिगे।

फिलिप्पी 2:14

तो के ललेया कचकच आलल्‍ले आप्‍होंनले लल् त्हुबै के लदै ह्‍याद्।

यहूदाइ प्‍ह्रिबै प्ह्रिछ्या 1:16

च स्योलिबै ताँ लोमिंब्‍मैं प्होंगि कैगि लब्मैं, अरूलाइ छ्याब् ल्हैदिब्मैं, ह्रोंसए सैंउँइँले खबै आछ्याँबै ताँमैंए लिलि प्रब्मैं, थेब् प्‍हैंब्मैं, ह्रोंसए फायदाए ल्हागिर म्‍हिमैंलाइ वाँब्मैं ग।