मर्कूस 14:48 - परमेश्‍वरए ताँ तमु क्युइर

⁴⁸ येशूजी चमैंने बिइ, “ङ ह्‍यो वा? छले क्‍हेमैं सेलाँ नेरो प्हरे छेसि ङलाइ क्हाबर खब?

मर्कूस 14:48 ပူးပေါင်းရင်းမြစ်များ

मत्ती 26:47

येशूजी छ बिइन मुँमा खीए च्युसे ङ्हिं चेलामैं न्‍होंर्बै यहूदा चर फेखइ। चने बालु सेलाँ (तरवार) नेरो प्‍हरे छेबै थेबै हुलै या खइ। चमैं ख्रो पिंबै खेगि चिब्मैं नेरो यहूदीमैंए चिबनाँब्मैंइ कुल्‍मिंब्‍मैं मुँल।

मत्ती 26:55

च त्हेर्न येशूजी खी क्‍हाबर खबै म्हिए हुलने बिइ, “ह्‍यो क्हाबर खब् धोंले सेलाँ नेरो प्‍हरे छेसि ङ ङाँर तले खल? ङइ त्हिंइ ह्रोंसे मन्दिरर लोमिंममा क्‍हेमैंइ ङलाइ आक्‍हा।

मर्कूस 14:47

चर रारिबै म्‍हिमैं न्‍होंर्बै म्हि घ्रिइ सेलाँ ट्हुइसि ख्रो पिंबै खेगि क्रथेए के लबै म्हिए न्‍हेमें थोवाइ।

मर्कूस 14:49

ङइ ओंसों ओंनोंन् त्हिंइ ह्रोंसे मन्दिरर क्‍हेमैंलाइ लोमिंमा क्‍हेमैंइ ङलाइ आक्‍हा। दिलेया परमेश्‍वरए छ्वेर प्‍ह्रिबै ताँ पूरा तरिगे बिसि चु तखब् ग।”