मर्कूस 14:41 - परमेश्‍वरए ताँ तमु क्युइर

⁴¹ सोंखेबै लारै या येशू प्राथना लसि खमा छाबन् स्‍याइ। छतसि खीजी चमैंने बिइ, “क्‍हेमैं अझै न्‍हरु च्‍हुइसि भों न्हरिल् वा? तारे न्हरु आच्हुइद्। ङ्‍ह्‍योद्! म्हिए च्ह पापिमैंए योर पिंवाबै त्हे तइ।

मर्कूस 14:41 ပူးပေါင်းရင်းမြစ်များ

मत्ती 26:2

“क्‍हेमैंइ सेइमुँ, ङ्हिरो लिउँइँ दुःखने फ्रेबै चाड खमुँ। च त्हेर म्हिमैंइ म्हिए च्ह क्रूसर च्‍योवाबै ल्हागिर क्हाब्‍मुँ।”

मर्कूस 14:10

झाइले च्युसे ङ्हिं चेलामैं न्‍होंर्बै इस्‍करयोतथें यहूदाइ येशू क्हासि चमैंए योर पिंबै ल्हागिरि ख्रो पिंबै खेगि चिब्मैं ङाँर ह्‍याइ।

मर्कूस 14:18

खेंमैं चब् चरिमा येशूजी बिइ, “क्ह्रोंसेंन ङ क्हेमैंने बिमुँ, क्‍हेमैंए न्‍होंरि ङने बालु चबै म्‍हि घ्रिइ ङलाइ क्हाल् पिंब्मुँ।”

मर्कूस 14:35

बिसि खी दे क्‍याइ ह्‍यासि सर पत्खु तसि “तल् खाँम् बिस्‍याँ चु दुःखए त्हे ङ ङाँइँले स्योमिंनु,” बिसि प्राथना लइ।

मर्कूस 14:40

धबै एखमा खीजी चमैं न्‍हरु च्‍हुइरिब् स्‍याइ। तलेबिस्याँ चमैंए मि न्हरुइ फैल् आखाँल। छतसि “खीने तो ज्वाफ पिंब् ङ्‍हे?” बिसि चमैंइ था आसेल।

मर्कूस 14:42

रेद्, ह्‍याले। ङ्‌ह्‍योद्! ङलाइ धोका पिंसि क्हाल् पिंबै म्‍हि फेखइ।”

मर्कूस 7:9

खीजी चमैंने बिइ, “ह्रोंसए छ्या म्हाँदिबै ल्हागिरि क्हेमैं बेल्‍ले ह्रब् प्हैंसि परमेश्‍वरए ताँमैं स्योवाइ।

मर्कूस 9:31

तलेबिस्याँ खीजी ह्रोंसए चेलामैंने लोमिंबै तोंन् मुँल। खीजी चमैंने बिइ, म्हिए च्ह क्हासि म्‍हिमैंए योर पिंवाब्मुँ, धै चमैंइ खी सैवाब्‍मुँ, दिलेया सिबै सोंरो लिउँइँ धबै खी सोगों तसि खब्मुँ।

यूहन्‍ना 12:23

येशूजी चमैंने बिइ, “तारे म्हिए च्हजी थेबै मान योंबै त्‍हे तखइमुँ।

यूहन्‍ना 12:27

“तोगो ङए सैं खैता-खैता ङ्हाँइमुँ। छतसि ङइ तो बिले? ‘ओ आबा, चु खबि छेबै दुःखउँइँले ङ जोगेमिंन्,’ बिब् उ? आङिं, तलेबिस्याँ चु दुःख नोबै ल्हागिर्न ङ चु ह्‍युलर युब् ग।

यूहन्‍ना 17:1

चु ताँ बिल् खाँबै लिउँइँ येशूजी स्वर्गउँइँ ङ्‍ह्‍योसि बिइ, “ओ आबा, क्जिजी तोक्दिबै त्हे तखइमुँ। च्हइ क्हिए थेबै मान उँइँमिंरिगे बिसि च्हए थेबै मान तल् पिंन्।

यूहन्‍ना 7:30

चु ताँ थेसि चर्बै म्हिमैंइ खीलाइ क्हाबर होंइ। दिलेया खाबज्यै खीए फिर यो झोंल् आखाँ। तलेबिस्याँ खीए सिबै त्हे अझै आतल।

यूहन्‍ना 8:20

चु ताँमैं येशूजी मन्दिरर मुइ झोंबै बाकस ङाँर क्हुँसि बिब् ग। दिलेया खाबज्‍यै या खीलाइ आक्‍हा। तलेबिस्याँ खीए सिबै त्हे अझै आतल।

चेला चिब्मैंए केमैं 7:52

ताँन् अगमबक्‍तामैंलाइ चमैंइ ह्रुगुदिल! खीए पबित्र के लबै म्हि युसिन् मुँ ओंसों बिबै म्हिमैंलाज्यै या चमैंइ सैवाल। तोगो च म्हि युज्यै या क्हेमैंइ चलाइ क्हाल् पिंसि सैवाइमुँ।