मर्कूस 14:33 - परमेश्‍वरए ताँ तमु क्युइर

³³ बिसि पत्रुस, याकूब नेरो यूहन्‍ना खीने बालुन् बोइ। च्हमा खीए सैंर सैदिल् आखाँबै दुःख तसि बेल्‍ले आतिदिरिल।

मर्कूस 14:33 ပူးပေါင်းရင်းမြစ်များ

भजनमैं 38:11

ङए क्राँथाँ नाँबै घाइ लमा ङए थुमैं नेरो ङए ङ्‍हेब् ट्हुब्मैं ङउँइँले ह्रेंगो तम्, धै ङए परवामैं या ङ ङाँर आख।

मर्कूस 16:5

झाइले उ न्‍होंर होंमा चमैंइ फोस्रे ब्योंबै क्‍वें खिबै फ्रेंसि घ्रि उए क्‍योलोउँइँ टिरिब् म्रोंइ। छाब् म्रोंसि चमैं ङ्हिंयाँइ।

मर्कूस 16:6

दिलेया च फ्रेंसिइ चमैंने बिइ, “आङ्हिंन्! क्‍हेमैंइ क्रूसर सैवाबै नासरतर्बै येशू म्‍हैरिल् वा? येशू धबै सोगों तसि रेल् खाँइ। खी चुर आरे। ङ्‌ह्‍योत्ति येशूलाइ थेंबै क्‍ल्‍ह्‍यो चुन् ग।

मर्कूस 5:37

च्हौ बिसि खीजी पत्रुस, याकूब नेरो याकूबए अलि यूहन्‍ना बाहेक् अरू खाबलाज्यै खीने बालु ह्‍याल् आपिं।

मर्कूस 9:15

म्हिए हुलइ येशू म्रोंबै तोदोंन् बेल्‍ले अचम्‍मा ङ्हाँह्‍याइ, धै येशू ङाँर न्हेह्‍यासि खीए मान लइ।

मर्कूस 9:2

येशूजी छ बिबै टुरो लिउँइँ खीजी पत्रुस, याकूब नेरो यूहन्‍ना बोसि नुबै कोंर म्हि आरेबै क्ल्ह्‍योर ह्‍याइ, चर चेलामैंइ येशूए क्हो फेर्दियाब् म्रोंइ।

लूका 22:44

च त्‍हेर येशूए सैंर बेल्‍ले दुःख मुँल। छतमा यो छ्युँ लदै खीजी प्राथना लरिमा खीए छैब् थे-थेब कोए थब्लो धों तब सर तेरिल।

हिब्रू 5:7

येशू ह्‍युलर मुँमा खीलाइ सिबउँइँले सोगों लमिंल् खाँबै परमेश्‍वरने बेल्‍ले क्रोदै थेबै कैले प्राथना लइ। खीजी छले सैं न्होंउँइँले यो छ्युँ लसि प्राथना लबइले परमेश्‍वरजी खीए प्राथना थेमिंइ।