मर्कूस 14:26 - परमेश्‍वरए ताँ तमु क्युइर

²⁶ झाइले खेंमैं भजन घ्रि प्रिंसि जैतून बिबै कोंउँइँ ह्‍याइ।

मर्कूस 14:26 ပူးပေါင်းရင်းမြစ်များ

मत्ती 21:1

झाइले खेंमैं यरूशलेमए चेंदो जैतून कोंए बेथफागे बिबै नाँसर फेखमा येशूजी चेलामैं ङ्हिंने छ बिसि कुल्‍मिंइ,

मत्ती 26:30

च्हौ बिसि खेंमैं भजन घ्रि प्रिंसि जैतून कोंउँइँ ह्‍याइ।

मर्कूस 14:25

क्ह्रोंसेंन ङ क्हेमैंने बिमुँ, परमेश्‍वरए ग्याल्सर छारा तरिकाले आथुँन् समा ङइ अँगुरए खुगु धबै खोंयोंइ थुँरिब् आरे।”

लूका 22:39

च क्‍ल्‍ह्‍योउँइँले त्‍होंसि सोदा ह्‍याब् धोंले येशू जैतून कोंउँइँ ह्‍याइ। चेलामैं या खीए लिलिन् ह्‍याइ।

यूहन्‍ना 18:1

चु ताँ बिल् खाँसि येशू ह्रोंसए चेलामैंने बालु किद्रोन बिबै खोल्सए क्योंजार्बै बगैंचार ह्‍याइ।

चेला चिब्मैंए केमैं 16:25

दिलेया म्‍हुँइँस आधाजरे पावल नेरो सिलास प्राथना लदै परमेश्‍वरए क्वेमैं प्रिंरिमा झेल न्होंर मुँबै म्हिमैंइ थेरिल।

१ कोरिन्थी 14:15

दिलेया ङइ तो लल् त्‍हुम्? आक्होबै क्युइर ङए प्ल्हइ प्राथना लम्, धै ङए सैंज्‍यैया प्राथना लम्। ङए प्ल्हइ भजन प्रिंम्, छलेन ङए सैंज्‍यैया भजन प्रिंम्।

कलस्सी 3:16

ख्रीष्‍टउँइँले खबै सैं तोंबै ताँ क्‍हेमैंए सैं न्होंर थेंन्। बेल्‍ले बुद्धि मुँल्‍ले घ्रिइ घ्रिलाइ लोमिंसि अर्थि पिंन्। खों न्होंउँइँले धन्यबाद पिंसि परमेश्‍वरए मिं क्वेबै ल्हागिर भजन, क्वेमैं नेरो पबित्र प्ल्हजी पिंबै क्वेमैं प्रिंसि सैं न्होंउँइँले खीए मिं क्वेद्।

याकूब 5:13

क्‍हेमैंए न्‍होंरि खाबलाज्यै या दुःख तइमुँ वा? चइ प्राथना लरिगे। खाबै या सैं तोंरिइमुँ वा? सैं तोंरिइमुँ बिस्याँ चइ प्रभुए मिंर क्वे प्रिंरिगे।

दर्शन 5:9

झाइले चमैंइ छारा भजन घ्रि प्रिंइ: “च काउदए प्हैं किंसि चर्बै छाप फोर्दिसि ङ्‍ह्‍योबै लायकर्बै क्‍हि मुँ। तलेबिस्याँ म्‍हिमैंइ क्हिलाइ सैवाल, दिलेया ताँन् कुलउँइँले, ताँन् क्युइ पोंब्‍मैंउँइँले, ताँन् ह्‍युलर्बै म्हिमैंउँइँले नेरो ताँन् ह्रेंमैंउँइँले, क्‍हिए कोजी परमेश्‍वरए ल्हागिर क्हिजी म्हिमैंलाइ खामिंइ।