मर्कूस 14:24 - परमेश्‍वरए ताँ तमु क्युइर

²⁴ झाइले खीजी चमैंने बिइ, “चु परमेश्‍वरजी फैबै बाछार्बै ङए को ग। ल्‍हें म्‍हिमैंए पाप क्षमा तरिगे बिसि ङए को बगेब्मुँ।

मर्कूस 14:24 ပူးပေါင်းရင်းမြစ်များ

प्रस्थान 24:8

च लिउँइँ मोशाइ भाँडोर्बै को किंसि म्हिमैं फिर प्रासि बिइ, “थेद्, चु याहवेहजी बाछा फैबै को ग। खीजी चु बाछा खीजी ताँन् ताँमैं बिब् धोंले क्हेमैंने फैइमुँ।”

मर्कूस 10:45

तलेबिस्याँ म्हिए च्ह मान म्हैबर युब आङिं, दिलेया म्हिमैं ल्होबर नेरो ल्‍हें म्‍हिमैंए पापउँइँले फ्रेमिंबै ल्हागिरि पापए सै फोबर ह्रोंसए ज्यु पिंबर युब् ग।”

मर्कूस 14:23

छलेन खीजी प्‍हेला किंसि परमेश्‍वरलाइ धन्‍यबाद पिंसि चमैंलाइ पिंइ, धै चमैं ताँनइ च प्हेलाउँइँले थुँइ।

मर्कूस 14:25

क्ह्रोंसेंन ङ क्हेमैंने बिमुँ, परमेश्‍वरए ग्याल्सर छारा तरिकाले आथुँन् समा ङइ अँगुरए खुगु धबै खोंयोंइ थुँरिब् आरे।”

लूका 22:20

छलेन क्हें चल् खाँबै लिउँइँ येशूजी प्‍हेला घ्रि छेइ, झाइले चमैंने पिंसि बिइ, “चु क्‍हेमैंए ल्हागिर बगेबै ङए को ग। चु को परमेश्‍वरजी क्‍हेमैंने फैबै छारा बाछाए छाप ग।

यूहन्‍ना 6:53

येशूजी चमैंने बिइ, “क्‍ह्रोंसेंन ङ क्हेमैंने बिमुँ, क्‍हेमैंइ म्हिए च्‍हए ज्यु आचस्याँ, खीए को आथुँस्याँ, क्हेमैंने खोंयोंइ आखाँबै छ्ह तरिब आरे।

१ कोरिन्थी 10:16

ङ्योइ प्रभु भोजरि परमेश्‍वरलाइ धन्‍यबाद पिंसि प्‍हेलाउँइँले थुँम्। छले थुँमा ङ्योइ ख्रीष्‍टए कोए भाग योंम्। छलेन क्‍हें चमा ङ्योइ ख्रीष्‍टए ज्युए भाग योंम्।

१ कोरिन्थी 11:25

छलेन क्हें चल् खाँबै लिउँइँ प्रभुजी प्‍हेला छेसि बिइ, “चु प्‍हेला ङए कोर मुँबै छारा बाछा ग। चु बाछार ङए कोइ छाप झोंइमुँ। ङ मैंबै ल्हागिर चु क्‍हेमैंइ थुँब्रें लद्।”