मर्कूस 14:18 - परमेश्‍वरए ताँ तमु क्युइर

¹⁸ खेंमैं चब् चरिमा येशूजी बिइ, “क्ह्रोंसेंन ङ क्हेमैंने बिमुँ, क्‍हेमैंए न्‍होंरि ङने बालु चबै म्‍हि घ्रिइ ङलाइ क्हाल् पिंब्मुँ।”

मर्कूस 14:18 ပူးပေါင်းရင်းမြစ်များ

भजनमैं 41:9

ङने बेल्‍ले क्ह्रिब, ङनेन् चब् थुँब् लब, ङइ खोबै थुइन, ङए बिरोधर आछ्याँबै ताँमैं लप्रम्।

मत्ती 26:21

खेंमैं चब् चरिबै त्हेर येशूजी बिइ, “क्ह्रोंसेंन ङ क्‍हेमैंने बिमुँ, क्हेमैंए न्होंरि म्‍हि घ्रिइ ङलाइ क्हाल् पिंब्मुँ।”

मत्ती 5:18

तलेबिस्याँ क्ह्रोंसेंन ङ क्हेमैंने बिमुँ, स्वर्ग नेरो पृथ्‍बी नास आतन् समा ठिमर प्ह्रिबै च्‍योंब भन्दा च्‍योंबै ताँ या पूरा आतन्ले म्‍हरिब् आरे।

मत्ती 6:16

“झाइले क्‍हेमैं बर्त टिमा फिब्लो पार्दिब्मैंइ धोंले लि छुले आटिद्। तलेबिस्याँ म्हिमैंने ‘बर्त टिइमुँ’ बिसि उँइँबर चमैंइ लि छु लम्। क्ह्रोंसेंन ङ क्हेमैंने बिमुँ चमैंइ योंल् त्हुबै इनाम योंल् खाँइमुँ।

मत्ती 6:2

“छतसि क्‍हेमैंइ दान पिंमा च्हों धिंजरे नेरो घ्‍याँजरे ‘ङइ छ लइ छु लइ’ बिदै आप्रद्। छलेम् फिब्लो पार्दिब्मैंइ खेंमैंइ लबै छ्याँबै केमैं म्‍हिमैंइ म्रोंरिगे बिसि छ्याँब् प्हैंदा ङ्हाँब्मैंइ घ्याँजरे उँइँ प्रम्। ङ क्ह्रोंसेंन क्हेमैंने बिमुँ चमैंइ योंल् त्हुबै इनाम योंल् खाँइमुँ।

मत्ती 6:5

“झाइले क्हेमैंइ प्राथना लमा फिब्लो पार्दिब्मैंइ धोंले सुँइ स्यो सैंइ स्योले आलद्। चमैंइ अरू म्‍हिमैंइ म्रोंरिगे बिसि च्हों धिंजरे नेरो घ्याँए रेजरे रासि प्राथना लम्। ङ क्ह्रोंसेंन क्हेमैंने बिमुँ, चमैंइ योंल् त्हुबै इनाम योंल् खाँइमुँ।

मर्कूस 10:15

क्ह्रोंसेंन्ले ङ क्हेमैंने बिमुँ, च्‍योंबै कोलोमैंइ [खेंमैंए आबा-आमाए फिर छेनले भर लब्] धोंले, परमेश्‍वरए फिर भर थेंसि म्‍हाँदिब्मैंइ मत्‍त्रे परमेश्‍वरउँइँले आशिक योंब्‍मुँ, धै परमेश्‍वरए ग्याल्सर होंब्‍मुँ।”

मर्कूस 10:29

येशूजी बिइ, “क्ह्रोंसेंन्ले ङ क्हेमैंने बिमुँ, ङए लिलि प्रबर नेरो ङउँइँले खबै सैं तोंबै ताँ बिप्रमा खाबइ ह्रोंसए धिं नाँ, आघें-अलि, अना-अङाँ, आबा-आमा, प्‍हसे, क्‍ल्‍ह्‍यो-न्‍हें वाथेंमुँ,

मर्कूस 14:17

झाइले ङेसा तमा खी च्युसे ङ्हिं चेलामैंने च कोठार खइ।

मर्कूस 14:19

छ बिब् थेसि चेलामैं दुःख म्हाँदिसि पलो पलोले क्हिलाइ क्हाल् पिंबै म्हि “ङ उ?” बिसि येशूने ङ्योएबर होंइ।

मर्कूस 14:25

क्ह्रोंसेंन ङ क्हेमैंने बिमुँ, परमेश्‍वरए ग्याल्सर छारा तरिकाले आथुँन् समा ङइ अँगुरए खुगु धबै खोंयोंइ थुँरिब् आरे।”

मर्कूस 14:9

क्ह्रोंसेंन ङ क्हेमैंने बिमुँ, परमेश्‍वरउँइँले खबै सैं तोंबै ताँ म्हिमैंइ ह्‍युल तिगोंन् बिप्रमा चु च्हमिरिलाइ मैंबै ल्हागिर चइ लबै केए बयनै या लब्‍मुँ।”

मर्कूस 3:28

“क्ह्रोंसेंन ङ क्हेमैंने बिमुँ, म्‍हिमैंइ लबै पापमैं नेरो परमेश्‍वरए बिरोधर खैबै ताँमैं पोंलेया क्षमा योंल् खाँम्,

मर्कूस 6:11

को-कोइ क्‍ल्‍ह्‍योर फेनेमा म्हिमैंइ क्‍हेमैंए मान आलस्‍याँ, क्‍हेमैंइ बिबै ताँ आथेस्‍याँ, च क्‍ल्‍ह्‍योउँइँले त्‍होंमा चमैंए बिरोधर ग्वाइ पिंबै ल्हागिर क्‍हेमैंए प्‍हलेर्बै त्‍हुल खारथेंन्।”

मर्कूस 8:12

दिलेया खीए सैं नसि येशूजी बिइ, “तिंजोरोबै म्‍हिमैंइ तले औदिबै चिनु म्‍हैम्? क्‍ह्रोंसेंन् ङ क्‍हेमैंने बिमुँ, तिंजोरोबै म्हिमैंलाइ ङइ तोइ चिनु उँइँरिब् आरे।”

मर्कूस 9:1

झाइले खीजी चमैंने बिइ, “क्ह्रोंसेंन ङ क्हेमैंने बिमुँ, चुर मुँबै म्‍हिमैं न्‍होंरि को-कोइ परमेश्‍वरए ग्याल्स शक्‍तिर युब् आम्रोंन् समा सिरिब् आरे।”

मर्कूस 9:41

झाइले खाबइ ‘चुम् येशू ख्रीष्‍टए म्‍हि ग’ बिसि क्‍हेमैं क्‍यु थुँल् पिंलेया, क्‍ह्रोंसेंन ङइ क्‍हेमैंने बिमुँ, च म्‍हिइ खैले बिलेन ह्रोंसइ योंल् त्‍हुबै इनाम योंब्मुँ।”

लूका 11:51

ओं, ङ क्हेमैंने बिमुँ, हाबिल सैवाबै त्हे ओंनोंबै पबित्र मन्दिर नेरो ख्रो पिंबै क्ल्ह्‍योए म्हाँजोर जखरिया सैवाबै त्हे समार्बै ताँन् सजैं तिंजोरोबै म्‍हिमैंइ बेहोर्दिल् त्‍हुम्।

लूका 22:21

“दिलेया ङ्ह्‍योद्! ङलाइ क्‍हाल् पिंबै म्‍हि ङने बालुन् चरिइमुँ।

लूका 4:24

धबै खीजी चमैंने बिइ, “क्ह्रोसेंन ङ क्हेमैंने बिमुँ, अगमबक्‍ता खाबलाज्यै या ह्रोंसए ह्‍युलर्बै म्‍हिमैंइ आक्‍वें।

यूहन्‍ना 1:51

धबै येशूजी बिइ, “क्ह्रोंसेंन ङइ क्हेमैंने बिमुँ, क्‍हेमैंइ स्‍वर्ग थोंब नेरो परमेश्‍वरए स्‍वर्गदूतमैं ङ म्हिए च्‍हए फिर क्रेदै, तदै लरिब म्रोंब्‍मुँ।” (खी स्वर्ग नेरो पृथ्‍बीए म्हाँजोर्बै घ्याँ ग।)

यूहन्‍ना 13:18

“ङइ क्हेमैं ताँनए बारेर बिब् आङिं। ङइ त्हाँबै म्हि ङइ सेमुँ। दिलेया ‘ङए क्हें चबै म्हिइ ङए फिर प्हलेइ ह्‍याँइ’ दिलेया ठिमर प्ह्रिबै ताँ पूरा तरिगे बिसि छ तब् ग।

यूहन्‍ना 13:21

चु ताँ बिबै लिउइ येशूए सैं खैता-खैता तइ धै ग्वाइ पिंसि बिइ, “क्ह्रोंसेंन ङ क्हेमैंने बिमुँ, क्हेमैं न्होंर्बै म्हि घ्रिइ ङलाइ क्हाल् पिंब्मुँ।”

यूहन्‍ना 13:22

खीजी खाबए बारेर बिब् मुँगे बिब आसेसि चेलामैंइ घ्रिइ-घ्रि ङ्‍ह्‍योबर होंइ।

यूहन्‍ना 13:38

येशूजी बिइ, “ङए ल्हागिरि क्हिइ ह्रोंसए ज्यु पिंम्मा? क्ह्रोंसेंन ङ क्हिने बिमुँ, क्‍हिइ सोंखे समा ङलाइ ङो आसे आबिन् समा नग भाले ओररिब् आरे।

यूहन्‍ना 21:18

“क्ह्रोंसेंन ङ क्हिने बिमुँ, क्हि फ्रेंसि मुँमा ह्रोंसइन ह्रोंसए फगि फैमल, धै खनिर ह्‍यादा ङ्हाँमुँ चर ह्‍यामल। दिलेया क्हि खेब् तमा क्हिइ ह्रोंसए यो स्योंब्मुँ, धै आगुइन क्हिए फगि फैमिंब्मुँ। धै क्हि ह्‍यादा आङ्हाँबै क्ल्ह्‍योर बो‍याब्मुँ।”

यूहन्‍ना 3:11

क्ह्रोंसेंन ङ क्हिने बिमुँ, ङिइ था सेबै ताँए बारेर बिम्, धै ङिइ म्रोंबै ताँए ग्वाइ पिंम्, दिलेया क्हेमैंइ ङिए ताँ आक्वें।

यूहन्‍ना 3:3

येशूजी चने बिइ, “क्‍ह्रोंसेंन ङ क्‍हिने बिमुँ, छारा तसि आफिइ बिस्याँ खाबै या परमेश्‍वरए ग्याल्स म्रोंल् आखाँ।”

यूहन्‍ना 3:5

येशूजी बिइ, “क्‍ह्रोंसेंन ङ क्‍हिने बिमुँ, क्‍यु नेरो परमेश्‍वरए प्ल्हउँइँले आफिइ बिस्याँ खाबै या परमेश्‍वरए ग्याल्सर होंल् आखाँ।

यूहन्‍ना 5:19

येशूजी चमैंने बिइ, “क्ह्रोंसेंन ङ क्हेमैंने बिमुँ, च्हइ ह्रोंसइन तोइ लल् आखाँ, दिलेया आबाजी तो लब् म्रोंमुँ चन् मत्‍त्रे लम्। तलेबिस्याँ आबाजी तो लमुँ, च्हज्यै या छान् लमुँ।

यूहन्‍ना 6:26

येशूजी चमैंने बिइ, “क्ह्रोंसेंन ङ क्हेमैंने बिमुँ, ङइ लबै औदिबै चिनुमैं म्रोंसि क्हेमैंइ ङलाइ म्हैब आङिं, दिलेया म्रेंन्ले क्‍हें चल् योंबइले ङलाइ म्‍हैब् ग।

यूहन्‍ना 6:32

येशूजी चमैंने बिइ, “क्‍ह्रोंसेंन ङ क्‍हेमैंने बिमुँ, क्हेमैंलाइ स्वर्गउँइँले क्हें पिंब मोशाइ आङिं, स्वर्गउँइँले क्हेमैंलाइ क्ह्रोंसेंन्बै क्हें पिंब ङए आबा ग।

यूहन्‍ना 6:47

क्ह्रोंसेंन ङ क्हेमैंने बिमुँ, ङए फिर बिश्‍वास लब्मैंने खोंयोंइ आखाँबै छ्‍ह मुँ।

यूहन्‍ना 6:70

येशूजी चमैंने बिइ, “क्‍हेमैं च्युसे ङ्हिं ङइन त्‍हाँब, आङिं वा? दिलेया क्‍हेमैंए न्‍होंरि दुष्‍ट धों तबै म्हि घ्रि मुँ।”