मर्कूस 14:14 - परमेश्‍वरए ताँ तमु क्युइर

¹⁴ झाइले च म्‍हि होंबै धिंए क्‍ल्‍हेने छ बिद्, ‘ङए चेलामैंने बालु दुःखने फ्रेबै चाडए भोज चबै कोठा खनिर जा? बिसि गुरुजी ङ्योएइमुँ।’

मर्कूस 14:14 ပူးပေါင်းရင်းမြစ်များ

मर्कूस 10:17

झाइले येशू घ्‍याँर ह्‍यारिमा म्‍हि घ्रि न्हेह्‍यासि येशूए ओंसों च्‍हि तुँसि खीने “ओ स्वाबै गुरु, खोंयोंइ आखाँबै छह् योंबै ल्हागिर ङइ तो लल् त्‍हुम्?” बिसि ङ्योएइ।

मर्कूस 11:3

खाबज्यै क्हेमैंने ‘चु तले पिल?’ बिसि ङ्योएस्‍याँ, ‘प्रभुए ल्हागिर चैदिइमुँ, के खाँबै लिउँइँ यु‍नन् एपखमिंस्यो,’ बिद्।”

मर्कूस 14:13

झाइले येशूजी ह्रोंसए चेलामैं न्‍होंर्बै ङ्हिंने बिइ “सहरर ह्‍याद्, चर ह्‍यामा गौरिर क्‍यु खासि ह्‍यारिबै म्हि घ्रि क्हेमैंइ त्होब्‍मुँ। चए लिलि ह्‍याद्।

मर्कूस 14:15

छबिमा चैदिबै सैमैं तौदु लथेंबै फिर्बै तलर कोठा घ्रि चइ क्‍हेमैंलाइ तेंब्‍मुँ। चर्न क्‍हेमैंइ ङ्योए ल्हागिरि भोज तौदु लद्।”

लूका 22:11

झाइले च धिं क्‍ल्‍हेने ‘ङइ ह्रोंसए चेलामैंने दुःखने फ्रेबै चाडए भोज चबै कोठा खनिर जा? बिसि गुरुजी क्हिने ङ्योएमुँ,’ बिद्।

यूहन्‍ना 11:28

च्‍हौ बिसि मार्था धिंर एह्‍यासि मरियमलाइ हुइसि खाबज्यै आथल्‍ले “गुरु फेखइमुँ, खीजी क्हि हुइरिमुँ,” बिइ।

यूहन्‍ना 13:13

क्‍हेमैंइ ङने ‘गुरु’ नेरो ‘प्रभु’ बिमुँ। चु क्हमैंइ ठिकन् बिम्, तलेबिस्याँ ङ चन् ग।

दर्शन 3:20

थेद्, ङ म्रार रासि हुइमुँ। खाबज्‍यै या ङए कै थेसि म्रा थोंस्‍याँ ङ न्‍होंर खब्मुँ, धै चने बालु चब्‍मुँ, चै या ङने बालुन् चब्‍मुँ।