मर्कूस 14:12 - परमेश्‍वरए ताँ तमु क्युइर

¹² प्लेढा आझोंबै क्हें चबै चाडए ओंसोंबै त्हिंइर दुःखने फ्रेबै चाडए ल्हागिर चमैंइ क्‍यु ख्रो पिंमल। छतसि येशूए चेलामैंइ “ङि खनिर ह्‍यासि क्हिए ल्हागिर दुःखने फ्रेबै चाडए भोज तौदु लले? क्‍हिए सैं तो मुँ? बिसि,” खीने ङ्योएइ।

मर्कूस 14:12 ပူးပေါင်းရင်းမြစ်များ

प्रस्थान 12:18

ओंसोंबै म्हैंनए च्युसे प्लिगैंए ङेसउँइँले ङ्हिच्युसे तिगैंए ङेसा समा प्लेढा आझोंबै क्हें चद्।

प्रस्थान 12:6

क्हेमैंइ च बोग्या म्हैंनर्बै च्युसे प्लिगैं समा थेंसि इस्राएलर्बै ताँन् म्हिमैंइ च ङेसा छजँ सैल् त्हुम्।

प्रस्थान 12:8

चमैंइ च म्हुँइँसर्न चए से मिर ख्रोंसि प्लेढा आझोंबै क्हें नेरो काँबै पिंट्हाने चरिगे

प्रस्थान 13:3

झाइले मोशाइ म्हिमैंने बिइ, “क्हेमैं केब्छैं तसि टिबै मिश्र ह्‍युलउँइँले त्होंइ खबै चु त्हिंइ क्हेमैंइ मैंथेंन्, तलेबिस्याँ याहवेहजी ह्रोंसए योए शक्‍तिजी क्हेमैं च क्ल्ह्‍योउँइँले तेइ पखइ। च त्हिंइर प्लेढा झोंबै क्हें आचद्।

मत्ती 3:15

दिलेया येशूजी यूहन्‍नाने बिइ, “तोगो छान् तरिगे। छले ङ्योइ परमेश्‍वरजी बिब् धोंले लब् छ्याँब मुँ।” छबिमा यूहन्‍नाइ येशूलाइ बप्‍तिस्‍मा पिंइ।

मर्कूस 14:1

दुःखने फ्रेबै चाड नेरो प्लेढा आझोंबै क्हें चबै त्हिंइ खब ङ्हिरो चैल। ख्रो पिंबै खेगि चिब्मैं नेरो शास्‍त्रिमैंइ खाबज्यै आसेल्‍‍ले येशूलाइ खैले क्हासि सैब् ङ्‍हे बिसि घ्‍याँ म्‍हैरिल।

मर्कूस 14:11

चए ताँ थेसि चमैं बेल्‍ले सैं तोंसि चलाइ “मुइ पिंस्‍यो” बिबै बाछा लइ। छतसि चइ येशू खैले क्हाब् ङ्‍हे बिसि घ्याँ म्हैबर होंइ।

मर्कूस 14:13

झाइले येशूजी ह्रोंसए चेलामैं न्‍होंर्बै ङ्हिंने बिइ “सहरर ह्‍याद्, चर ह्‍यामा गौरिर क्‍यु खासि ह्‍यारिबै म्हि घ्रि क्हेमैंइ त्होब्‍मुँ। चए लिलि ह्‍याद्।

गलाती 4:4

दिलेया तोक्दिबै त्हे पूरा तमा परमेश्‍वरजी ह्रोंसए च्‍ह कुल्‍मिंइ। खी म्‍हि तसि च्हमिरिए कोखाउँइँले ठिमए न्होंर फिइ।