मर्कूस 14:11 - परमेश्‍वरए ताँ तमु क्युइर

¹¹ चए ताँ थेसि चमैं बेल्‍ले सैं तोंसि चलाइ “मुइ पिंस्‍यो” बिबै बाछा लइ। छतसि चइ येशू खैले क्हाब् ङ्‍हे बिसि घ्याँ म्हैबर होंइ।

मर्कूस 14:11 ပူးပေါင်းရင်းမြစ်များ

मत्ती 26:14

च लिउँइँ च्युसे ङ्हिं चेलामैं न्‍होंर्बै यहूदा इस्‍करियोतथें ख्रो पिंबै खेगि चिब्मैं ङाँर ह्‍यासि

मत्ती 26:15

बिइ, “ङइ येशूलाइ क्हासि क्हेमैंए योर पिंइ बिस्‍याँ ङलाइ तो पिंमुँ?” छबिमा चमैंइ चाँदिए मुइ सोंच्‍यु पिंइ।

मर्कूस 14:10

झाइले च्युसे ङ्हिं चेलामैं न्‍होंर्बै इस्‍करयोतथें यहूदाइ येशू क्हासि चमैंए योर पिंबै ल्हागिरि ख्रो पिंबै खेगि चिब्मैं ङाँर ह्‍याइ।

मर्कूस 14:12

प्लेढा आझोंबै क्हें चबै चाडए ओंसोंबै त्हिंइर दुःखने फ्रेबै चाडए ल्हागिर चमैंइ क्‍यु ख्रो पिंमल। छतसि येशूए चेलामैंइ “ङि खनिर ह्‍यासि क्हिए ल्हागिर दुःखने फ्रेबै चाडए भोज तौदु लले? क्‍हिए सैं तो मुँ? बिसि,” खीने ङ्योएइ।

लूका 22:3

च त्‍हेर्न यहूदा इस्‍करियोतए सैंर दुष्‍ट होंइ। च यहूदा येशूए च्युसे ङ्हिं चेलामैं न्‍होंर्बै घ्रि मुँल।

१ तिमोथी 6:10

तलेबिस्याँ ताँन् आछ्याँबै सैमैंए जरन् मारा-मुइए म्हाँया लब् ग। मारा-मुइए लोबइ लमा को-कोइ परमेश्‍वरए फिर बिश्‍वास लबन् पिवासि आछ्याँबै घ्याँउँइँ प्रयाइमुँ, धै चमैंए फिर सैदिलै आखाँन् तबै दुःख तइमुँ।

यहूदाइ प्‍ह्रिबै प्ह्रिछ्या 1:11

धिक्‍कार मुँ चमैंलाइ। तलेबिस्याँ स्‍योंम्‍बै कयिनइ लब् धोंबै के चमैंइ लम्। ह्रोंसए फायदए ल्हागिर बालम बिबै म्हिइ लब् धोंबै गल्‍ति चमैंइ लम्। छतसि मोशाए बिरोधर राबै स्‍योंम्‍बै कोरह बिबै म्‍हि धोंले चमैंइ ठिक अधिकारए बिरोध लबइले नास तयाम्।