मर्कूस 14:1 - परमेश्‍वरए ताँ तमु क्युइर

¹ दुःखने फ्रेबै चाड नेरो प्लेढा आझोंबै क्हें चबै त्हिंइ खब ङ्हिरो चैल। ख्रो पिंबै खेगि चिब्मैं नेरो शास्‍त्रिमैंइ खाबज्यै आसेल्‍‍ले येशूलाइ खैले क्हासि सैब् ङ्‍हे बिसि घ्‍याँ म्‍हैरिल।

मर्कूस 14:1 ပူးပေါင်းရင်းမြစ်များ

उत्पत्ति 37:18

आघेंमैंइ ह्रेंगोउँइँले योसेफ खरिब् म्रोंसि च खेंमैं ङाँर फेखब् ओंसोंन् चलाइ सैबै मत लइ।

भजनमैं 52:3

छ्याँबै के भन्दा आछ्याँबै के क्हिइ खोम्, धै क्ह्रोंसेंन्बै ताँ भन्दा स्योलिबै ताँमैं क्हि पोंम्। तिस्याँदे मैंन्

भजनमैं 62:4

चए थेबै पदउँइँले चलाइ क्युरु तवाबर चमैंइ मत्‍त्रे आछ्याँबै ताँ मैंरिम्। चमैं स्योलिबै ताँमैंर सैं तोंम्। चमैंए सुँइ आशिक पिंमुँ, सैं न्होंर बिस्याँ सराप पिंम्। तिस्याँदे मैंन्

भजनमैं 62:9

आयोब् आख्युब्मैं मुट्ठि घ्रि सो मत्‍त्रे ग, प्लब्मैं या तोइ केर आफे, तलेबिस्याँ पारर क्वेमा चमैं योंयाम्, चमैं ङ्हिंना-ङ्हिंन् मुट्ठि घ्रि सो मत्‍त्रे ग।

प्रस्थान 12:1

मिश्र ह्‍युलर याहवेहजी मोशा नेरो हारूनने बिइ,

मत्ती 12:14

दिलेया फरिसीमैं बैरु त्‍होंसि येशूलाइ खैले सैब् ङ्‍हे बिसि खीए बिरोधर मत लइ।

मत्ती 6:2

“छतसि क्‍हेमैंइ दान पिंमा च्हों धिंजरे नेरो घ्‍याँजरे ‘ङइ छ लइ छु लइ’ बिदै आप्रद्। छलेम् फिब्लो पार्दिब्मैंइ खेंमैंइ लबै छ्याँबै केमैं म्‍हिमैंइ म्रोंरिगे बिसि छ्याँब् प्हैंदा ङ्हाँब्मैंइ घ्याँजरे उँइँ प्रम्। ङ क्ह्रोंसेंन क्हेमैंने बिमुँ चमैंइ योंल् त्हुबै इनाम योंल् खाँइमुँ।

मर्कूस 14:12

प्लेढा आझोंबै क्हें चबै चाडए ओंसोंबै त्हिंइर दुःखने फ्रेबै चाडए ल्हागिर चमैंइ क्‍यु ख्रो पिंमल। छतसि येशूए चेलामैंइ “ङि खनिर ह्‍यासि क्हिए ल्हागिर दुःखने फ्रेबै चाडए भोज तौदु लले? क्‍हिए सैं तो मुँ? बिसि,” खीने ङ्योएइ।

मर्कूस 14:2

दिलेया “चाडए त्हेर ङ्योइ छ लल् आत। छ लइ बिस्याँ म्‍हिमैंए म्‍हाँजोर खैलाबैला तब्मुँ बिसि,” शास्त्रिमैंइ बिल।

यूहन्‍ना 11:47

ख्रो पिंबै खेगि चिब्मैं नेरो फरिसीमैंइ थेबै म्हि च्होंर्बै म्हिमैं हुइसि बिइ, “चु म्‍हिइमि ल्हें औदिबै चिनुमैं लसिन् मुँ। छतसि तारे ङ्योइ तो लले?

यूहन्‍ना 13:1

खीजी चु ह्‍युल पिसि परमेश्‍वर आबा ङाँर ह्‍याबै त्हे तखइमुँ बिसि दुःखने फ्रेबै चाडए ओंसोंन् येशूजी था सेल। खीजी ह्‍युलर मुँबै ह्रोंसए चेलामैंने खोंयोंइ म्हाँया लरिमल, धै लिउँइँ समन् चमैंने म्हाँया लरिइ।

चेला चिब्मैंए केमैं 12:4

हेरोदइ पत्रुस क्हासि झेलर च्युवाइ, धै दुःखने फ्रेबै चाडए लिउँइँ पत्रुसलाइ म्हिमैंए उँइँर पखबै सैं लसि चलाइ रुँबै ल्हागिर सिपाइमैंए टोलि प्लिए जिम्मार पिंइ।