मर्कूस 13:8 - परमेश्‍वरए ताँ तमु क्युइर

⁸ तलेबिस्याँ ह्रें-ह्रेंए म्‍हाँजोर प्होंब् कैब् तब, ग्याल्स ग्याल्सए न्होंर प्होंब् नेब् तब्‍मुँ क्‍ल्‍ह्‍यो क्‍ल्‍ह्‍योरि सयो ख‍ब्मुँ, अँङ्गल् तब्‍मुँ। दिलेया चु ताँन् सैमैं भर्खर सुत्‍केरि बेथा ल्हैदिब् धों मत्‍त्रे ग।

मर्कूस 13:8 ပူးပေါင်းရင်းမြစ်များ

भजनमैं 48:6

छले चमैं बेल्‍ले ङ्हिंसि सुत्केरि बेथा ल्हैदिबै च्हमिरि धोंन् तइ।

मत्ती 24:8

दिलेया चु ताँन् सैमैं सुत्‍केरि बेथा ल्हैदिबि छेब् धों तब् मत्‍त्रे ग।

मर्कूस 13:7

प्होंब् नेब् तब क्हेमैंइ म्रोंब्मुँ, ‘प्होंब् नेब् तरिइमुँ रो’ बिब थेब्‍मुँ, दिलेया क्हेमैं आङ्हिंन् तलेबिस्याँ चु तलन् त्हुम्। छान् तलेया नास तबै त्हे अझै आतइमुँ।

मर्कूस 13:9

“क्‍हेमैं ह्रोंसए ल्हागिरि न्ह क्रों मिक्रोंले टिद्। तलेबिस्याँ म्‍हिमैंइ क्‍हेमैं क्‍हासि म्हि च्होंए उँइँर बोब्‍मुँ, झाइले च्हों धिंजरे क्‍हेमैं धोंब्‍मुँ। ङए फिर बिश्‍वास लबइले क्हेंमैंइ ङए बारेर ग्वाइ पिंबर क्रथेमैं नेरो म्रुँमैंए उँइँर राल् त्हुब्मुँ।

चेला चिब्मैंए केमैं 11:28

चमैंए न्‍होंरि अगाबस मिं मुँबै म्हि घ्रि मुँल। ताँन् ह्‍युलर थेबै अँङ्गल् तबि छेइमुँ बिसि लिउँइँ तखबै ताँ पबित्र प्ल्हउँइँले चइ पोंइ। (च अँङ्गल् थेबै क्‍लौडियस म्रुँए पलोर तल।)

१ थेसलोनिकी 5:3

च त्हेर म्‍हिमैंइ “शान्‍ति ने सुरक्षा तइमुँ, ङ्योए फिर आछ्याँबै ताँ तोइ तल् आखाँ,” बिरिमा सुत्‍केरि बेथा ल्हैदिब् धोंले तिखेर्न चमैंए फिर दुःख तब्‍मुँ। च दुःखउँइँले खाबै या स्योरल् आखाँ।

दर्शन 6:4

झाइले ओल्‍ग्‍या घोडा घ्रि त्‍होंखइ। पृथ्‍बीर म्हिमैंइ खेंमैंइ-खेंमैंन् सैवारिगे बिसि च ओल्‍ग्‍या घोडाए फिर क्रेबै म्हिलाइ ल्हडें लल् पिंबै हग नेरो थेबै सेलाँ घ्रि पिंइ।