मर्कूस 13:7 - परमेश्‍वरए ताँ तमु क्युइर

⁷ प्होंब् नेब् तब क्हेमैंइ म्रोंब्मुँ, ‘प्होंब् नेब् तरिइमुँ रो’ बिब थेब्‍मुँ, दिलेया क्हेमैं आङ्हिंन् तलेबिस्याँ चु तलन् त्हुम्। छान् तलेया नास तबै त्हे अझै आतइमुँ।

मर्कूस 13:7 ပူးပေါင်းရင်းမြစ်များ

भजनमैं 112:7

आछ्याँबै ताँमैं थेमा च आङ्हिं; चइ याहवेहए फिर भर लबइले चए सैं भोंब मुँ।

भजनमैं 27:3

सेनामैं ङए बिरोधर कारग्यु तखलेया, ङए सैं ङ्हिंरिब् आरे। ङए बिरोधर लडें तलेया ङ परमेश्‍वरए फिर भर थेंब्मुँ।

हितोपदेश 3:25

थाइ आसेल्‍ले दुःख खसि दुष्‍टमैं नास तमा क्हि आङ्हिंन्,

मत्ती 18:7

धिक्‍कार चु ह्‍युललाइ! तलेबिस्याँ चु ह्‍युलर म्‍हिमैंलाइ पापर च्होवाबै सैमैं मुँ। पापर च्होवाबै परिक्षाम् खम्, दिलेया अरू म्हिलाइ पापर च्होवाबै म्हिलाइ झन धिक्‍कार मुँ।

मत्ती 2:3

चु ताँ थेसि हेरोद म्रुँ बेल्‍ले आतिदिइ धै यरूशलेमथेंमैं या ताँन् आतिदिइ।

मर्कूस 13:6

ल्‍हें म्‍हिमैं ङए मिं किंसि, ‘ङ परमेश्‍वरजी कुलबै म्रुँ (ख्रीष्‍ट) ग,’ बिसि खब्‍मुँ, धै ल्‍हें म्‍हिमैं लुवाब्‍मुँ।

मर्कूस 13:8

तलेबिस्याँ ह्रें-ह्रेंए म्‍हाँजोर प्होंब् कैब् तब, ग्याल्स ग्याल्सए न्होंर प्होंब् नेब् तब्‍मुँ क्‍ल्‍ह्‍यो क्‍ल्‍ह्‍योरि सयो ख‍ब्मुँ, अँङ्गल् तब्‍मुँ। दिलेया चु ताँन् सैमैं भर्खर सुत्‍केरि बेथा ल्हैदिब् धों मत्‍त्रे ग।

यूहन्‍ना 14:1

“क्‍हेमैंए सैं खैता-खैता आङ्हाँन्। क्हेमैंइ परमेश्‍वरए फिर बिश्‍वास लमुँ, छलेन ङए फिरै या बिश्‍वास लद।

यूहन्‍ना 14:27

“ङए शान्ति क्हेमैंने पिंथेंब्मुँ। ङ ह्रोंसए शान्ति क्‍हेमैंलाइ पिंब्मुँ। चु ह्‍युलर्बै म्हिमैंइ पिंब् धोंबै शान्ति ङइ क्हेमैंलाइ आपिं। छतसि क्हेमैंए सैं खैता-खैता आतदु धै आङ्हिंन्।

चेला चिब्मैंए केमैं 17:3

“परमेश्‍वरजी कुल्मिंबै म्रुँ ख्रीष्‍टजी क्ह्रोंसेंन दुःख नोसि सिबउँइँले धबै सोगों तल् त्हुमल। येशूउँइँले खबै सैं तोंबै ताँ ङ क्हेमैंने बिमिंम्। खीन् परमेश्‍वरजी कुल्मिंबै म्रुँ ख्रीष्‍ट ग!” बिसि चइ परमेश्‍वरए छ्वेउँइँले प्रमाण उँइँइ।