मर्कूस 13:5 - परमेश्‍वरए ताँ तमु क्युइर

⁵ येशूजी चमैंने बिइ, “न्ह क्रों मि क्रोंले टिद्, खाबज्‍यै या क्‍हेमैंलाइ लुल् आपिंन्।

मर्कूस 13:5 ပူးပေါင်းရင်းမြစ်များ

मर्कूस 13:4

“चु छाबै त्हिंइ खोंयों तब्मुँ? झाइले छ तबै त्हेर खैबै चिनुमैं तब्मुँ? ङिने बिमिंन्।”

मर्कूस 13:6

ल्‍हें म्‍हिमैं ङए मिं किंसि, ‘ङ परमेश्‍वरजी कुलबै म्रुँ (ख्रीष्‍ट) ग,’ बिसि खब्‍मुँ, धै ल्‍हें म्‍हिमैं लुवाब्‍मुँ।

लूका 21:8

येशूजी बिइ, “न्ह क्रों मि क्रोंले टिद्, क्हेमैंलाइ खाबज्यै लुल् आखाँरिगे। ल्‍हें म्हिमैं ङए मिं किंसि खब्मुँ, ‘ङ परमेश्वरजी कुलबै म्रुँ ख्रीष्‍ट ग’ बिब्‍मुँ, झाइले अरू म्हिमैंइ ‘ख्रीष्‍ट युबै त्‍हे चेंदो तखइमुँ’ बिब्‍मुँ, दिलेया चमैंए लिलि आल्‍हैदिद्, चमैंइ बिब आङिंन्।

१ कोरिन्थी 15:33

छतसि न्ह क्रों मि क्रों तद्, खाब तोदोंए ताँ आङेंन्। तलेबिस्याँ “आछ्याँबै के लब्मैंने प्रस्याँ छ्याँबै म्हि या आछ्याँबन् तयाम्।”

एफिसी 5:6

केर आफेबै स्योलिबै ताँए लिलि प्रसि धोकार आफेद्। तलेबिस्याँ बिब् आङिंसि छाबै आछ्याँबै केमैं लप्रब्मैंए फिर परमेश्‍वरजी थेबै ह्रिस ङेब्‍मुँ।

कलस्सी 2:8

छतसि न्ह क्रों मि क्रोंले टिद्! म्‍हिउँइँले खबै केर आफेबै स्योलिबै ताँइ क्‍हेमैं परमेश्‍वरए क्ह्रोंसेंन्बै घ्‍याँउँइँले फ्रेल् आखाँरिगे। छाबै स्योलिबै ताँमैं ख्रीष्‍टउँइँले खब आङिं, ह्‌युल ग्याल्स ओलेबै मोंमैंउँइँले नेरो म्‍हिमैंइ लबै रोसमैंउँइँले खब् ग।

२ थेसलोनिकी 2:3

खाबज्‍यै या क्‍हेमैंलाइ लुल् आपिंन्, तलेबिस्याँ प्रभु येशू युब् भन्‍दा ओंसों ल्‍हें म्‍हिमैंइ परमेश्‍वरए बिरोध लब्मुँ, धै परमेश्‍वरए थेबै शत्तुर घ्रि त्‍होंब्‍मु। च ठिम बिरोध लबै दुष्‍ट शत्तुर आखिरर नास तल् त्‍हुब्‍मु।

१ यूहन्‍ना 4:1

ओ ङइ खोबै थुमैं, “ङने परमेश्‍वरए प्ल्ह मुँ, ङ अगमबक्‍ता ग,” बिब्‍मैंए ताँ आक्‍वेंन्। चमैंइ पोंबै ताँ पबित्र प्ल्ह परमेश्‍वरउँइँले युबै ताँ ङिंब् उ आङिं बिसि छेनाले च्हैंब् मैंब् लद्। तलेबिस्याँ स्योलिबै ताँ पोंबै ल्हें अगमबक्‍तामैं खन्तोदोंन् फेनेइमुँ।