मर्कूस 13:31 - परमेश्‍वरए ताँ तमु क्युइर

³¹ स्‍वर्ग नेरो पृथ्‍बी नास तयाब्‍मुँ, दिलेया ङए ताँ खोंयोंन् बिलै तरिम्।

मर्कूस 13:31 ပူးပေါင်းရင်းမြစ်များ

भजनमैं 19:7

याहवेहए ठिम खोट आरेब मुँ, च ठिमइ सैं सिब्मैंलाइ भों पिंम्। खीजी बिबै ताँमैं भर लल् खाँब मुँ, आह्र आसेब्मैंलाइ च ताँइ बुद्धि पिंम्।

मत्ती 24:35

स्वर्ग नेरो पृथ्‍बी म्‍हयाब्‍मुँ, दिलेया ङइ बिबै ताँ खोंयोंइ या म्‍हरिब आरे।”

मत्ती 5:18

तलेबिस्याँ क्ह्रोंसेंन ङ क्हेमैंने बिमुँ, स्वर्ग नेरो पृथ्‍बी नास आतन् समा ठिमर प्ह्रिबै च्‍योंब भन्दा च्‍योंबै ताँ या पूरा आतन्ले म्‍हरिब् आरे।

मर्कूस 13:30

क्ह्रोंसेंन ङ क्हेमैंने बिमुँ, चु तोन्दोंरि ताँ आतन् समा चु पुस्ता नास तरिब् आरे।

मर्कूस 13:32

“ह्‍‍युल नास तबै त्हे नेरो त्हिंइ आबाइ मत्‍त्रे सेइमुँ। स्‍वर्गर टिबै स्‍वर्गदूतमैंज्यै आसे, परमेश्‍वरए च्‍हज्यै या आसे।

लूका 21:33

मु नेरो पृथ्‍बी नास तयाब्‍मुँ, दिलेया ङइ बिबै ताँ म्‍हरिब आरे।

२ तिमोथी 2:13

ङ्योइमि स्योर तेलैया, खीजीम् खोंयोंइ स्‍योर आते, तलेबिस्याँ खीजी तो बिमुँ चन् लम्, खीजी पोंबै ताँ खोंयोंइ आस्यो।”

तीतस 1:2

खोंयोंन् बिलै स्योर आतेबै परमेश्‍वर आबाजी सृष्‍टि लब् भन्दा ओंसोंन् खोंयोंइ आखाँबै छ्ह चमैंलाइ पिंम् बिबै बाछा खीजी लल।

दर्शन 20:11

झाइले फोस्रे ब्योंबै थेबै राजगद्दि नेरो चर क्हुँबै परमेश्‍वर ङइ म्रोंइ। खीउँइँले पृथ्‍बी नेरो मु भौदियाइ, चमैंइ खनिरै क्ल्ह्‍यो आयों।