मर्कूस 12:7 - परमेश्‍वरए ताँ तमु क्युइर

⁷ दिलेया च आधे लब्‍मैंइ क्‍ल्‍हेए च्‍ह खरिब् म्रोंसि खेंमैं खेंमैंन् छ बिइ, ‘चुम् क्‍ल्‍हेए च्‍ह ग। खो, चु सैवाले, धै चुए ताँन् क्‍ल्‍ह्‍यो ङ्योए हग तब्‍मुँ।’

मर्कूस 12:7 ပူးပေါင်းရင်းမြစ်များ

उत्पत्ति 3:15

क्हि नेरो च्हमिरिए म्हाँजोरि धै क्हिए सन्तानमैं नेरो च्हमिरिए सन्तानए म्हाँजोरि ङइ प्होंब्-नेब् लमिंम्। च्हमिरिए सन्तानइ क्हिए क्र प्‍लेब्मुँ धै क्हिइ चए प्‍हले तिंजुर चोब्‍मुँ।”

उत्पत्ति 37:20

झाइले ‘क्ह्‍योंर्बै खेदोमैंइ चलाइ चवान’ बिसि ङ्योइ आबाने बिले। धै चए म्होंडमैं तो तमना ङ्ह्‍योले।”

मत्ती 2:16

ङ्‌ह्‍योब् लिब्मैंइ खीने स्योर तेना बिब् सेसि हेरोद बेल्‍ले ह्रिस खइ। चइ मुसारा म्रोंबै त्हे च ङ्‌ह्‍योब् लिब्मैंने ङ्योएसि ओंसोंन् था सेल् खाँल। छतमा चमैंइ बिबै त्हे मैंसि हेरोदइ बेथलेहेम नेरो च खागुबै नाँसजरेबै ङ्हिंदि न्होंर्बै मुँयुँ कोलोमैं ताँन् सैबर ल्‍हैदिइ।

मत्ती 21:34

“लिउँइँ अँगुर खुबै त्हे तमा चइ के लबै म्‍हिमैं ह्रोंसए भाउ किंबर आधे लब्मैं ङाँर कुल्‍मिंइ।

मर्कूस 12:12

खीजी बिबै अहान् खेंमैंए बिरोधर बिब् ग, बिसि चमैंइ क्होइ। छतसि यहूदी चिबनाँब्मैंइ येशू क्‍हाबै सैं लइ। दिलेया म्हिए हुल म्रोंसि चमैं ङ्हिंबइले येशूलाइ वाथेंसि ह्रोंसए घ्‍याँ क्‍हाइ।

मर्कूस 12:6

तारे च क्‍ल्‍हेल कुल‍बै ल्हागिर ह्रोंसइ खोबै च्‍ह घ्रि मत्‍त्रे चैल। छतसि ‘चमैंइ ङए च्‍ह मान् ललै’ ङ्हाँसि ताँन् भन्दा लिउँइँ ह्रोंसए च्‍ह कुलइ।

मर्कूस 12:8

झाइले चमैंइ चलाइ क्‍हासि सैसि अँगुर म्रोंए बैरु भ्‍योंवाइ।

चेला चिब्मैंए केमैं 2:23

दिलेया परमेश्‍वरजी ओंसोंन् चाँजो लसि येशूलाइ क्‍हेमैंए योर पिंवाँइ। धै दुष्‍ट म्हिमैंउँइँले क्हेमैंइ येशू क्रूसर च्योवासि सैवाइ।

चेला चिब्मैंए केमैं 5:28

“ङिइ क्हेमैंने खाबलाज्यै येशूए मिंर तोइ आलोमिंन् बिसि बिल, दिलेया क्हेमैंइ यरूशलेम तिगोंन् लोमिंल् खाँना। च म्हि सैवाबै छ्याब् क्हेमैइ ङिए फिर ल्हैदिदा ङ्हाँइमुँ वा?”

चेला चिब्मैंए केमैं 7:52

ताँन् अगमबक्‍तामैंलाइ चमैंइ ह्रुगुदिल! खीए पबित्र के लबै म्हि युसिन् मुँ ओंसों बिबै म्हिमैंलाज्यै या चमैंइ सैवाल। तोगो च म्हि युज्यै या क्हेमैंइ चलाइ क्हाल् पिंसि सैवाइमुँ।

हिब्रू 1:2

दिलेया चु नुखबै त्हिंइजरे परमेश्‍वर खीए च्‍हउँइँले ङ्योने पोंइमुँ। परमेश्‍वरजी खीए च्हउँइँलेन् ह्‍युलर्बै तोन्दोंरि सैमैं बनेइ। धै ह्‍युलर्बै ताँन् सैए फिर क्ल्हे तबर खीजी खीए च्‍हलाइन त्हाँइ।