मर्कूस 12:36 - परमेश्‍वरए ताँ तमु क्युइर

³⁶ परमेश्‍वरए पबित्र प्ल्हजी दाऊदने चु ताँ बिद् बिसि परमेश्‍वरजी कुल्मिंबै म्रुँए बारेर छ बिल, ‘ङइ क्‍हिए शत्तुरमैं क्‍हिए प्‍हले न्‍होंर आथेंन् समा क्‍हि ङए क्‍योलोउँइँ टिद्। बिसि याहवेहजी ङए प्रभुने बिल।’

मर्कूस 12:36 ပူးပေါင်းရင်းမြစ်များ

भजनमैं 110:1

“ङइ क्हिए शत्तुरमैं क्हिए प्हले न्होंर आप्लेन् समा क्हि ङए क्योलोउँइँ टिद्,” बिसि याहवेहजी ङए प्रभुने बिइमुँ।

मत्ती 5:35

पृथ्‍बीए मिं किंसि कसम आचद्, तलेबिस्याँ च परमेश्‍वरए प्‍हले न्‍हेबै क्‍ल्‍ह्‍यो ग। झाइले यरूशलेमए मि किंसि कसम आचद्, तलेबिस्याँ च धाँसे थेबै म्रुँए सहर ग।

चेला चिब्मैंए केमैं 1:16

“ओ अलि-अङाँमैं, येशू क्हाब्मैंए घ्‍याँ उँइँमिंबै यहूदाए बारेर दाऊदए सुँउँइँले ओंसोंन् पबित्र प्ल्हजी बिमिंल। च छ्‍वेर प्ह्रिथेंबै ताँ ताँन् तखल् त्हुमल।

चेला चिब्मैंए केमैं 28:25

छतसि चमैं खें-खेंमैंन् ताँ आक्‍ह्रिसि ह्‍याबि छेमा पावलइ चमैंने बिइ, “परमेश्‍वरए प्ल्हजी क्हेमैंए खेमैंने यशैया अगमबक्‍ताउँइँले बिमिंबै चु ताँ ठिकन् मुँल,

१ कोरिन्थी 15:25

तलेबिस्याँ परमेश्‍वरजी खीए शत्तुरमैं ताँन् ट्होवासि ख्रीष्‍टए प्‍हले न्‍होंर आथेंन् समा ख्रीष्‍टजी ग्याल्स ललन् त्‍हुम्।

२ तिमोथी 3:16

चु छ्वेर्बै ताँन् ताँ परमेश्‍वरए प्ल्हजी म्हिमैंने प्ह्रिबर ल्हैदिब् ग। छतसि चु छ्वेर्बै ताँमैं बेल्‍ले केर फेब् मुँ। क्‍ह्रोंसेंन्‍बै ताँ लोमिंबर, अर्थि बुद्धि पिंबर, न्होंह्‍याबै ताँमैं क्योंएँबर, छेनाले लोदा सैंदा लबर चु छ्वेर्बै ताँन् ताँमैं बेल्‍ले केर फेब् मुँ।

हिब्रू 1:13

परमेश्‍वरजी खीए च्‍हने बिइ, “क्‍हिए शत्तुरमैं ङइ क्‍हिए प्‍हले न्‍होंर आथेंन् समा, क्‍हि ङए क्‍योलोउँइँ टिद्।” दिलेया स्‍वर्गदूतमैं खाबने या खीजी छ आबि।

हिब्रू 4:7

छतसि परमेश्‍वरजी “तिंयाँ” बिसि तिगें तोक्दिइमुँ। खीजी ल्हें त्हे लिउँइँ ङइ ओंसोंन् बिबै ताँ दाऊदउँइँले बिइमुँ, “तिंयाँ क्‍हेमैंइ परमेश्‍वरजी बिबै ताँ थेइबिस्‍याँ, क्‍हेमैंए सैं सारो आलद्।”

१ पत्रुस 1:11

अगमबक्‍तामैंइ चु खैले तम् खोंयों तम् बिसि क्होल् म्हैरिल। ख्रीष्‍टजी ल्हें दु:ख नोल् त्हुब्मुँ धै लिउँइँ थेबै मान योंब्मुँ बिसि ओंसोंन् ख्रीष्‍टए प्ल्हजी चमैंलाइ उँइँमिंल।

२ पत्रुस 1:21

तलेबिस्याँ अगमबाणि पोंमा म्हिमैंइ खेंमैंए सैंर खबै ताँमैं पोंब आङिं, बरु पबित्र प्ल्हजी म्‍हिमैंलाइ लोमिंसि चमैंइ परमेश्‍वरजी पोंन् बिबै ताँमैं पोंब् ग।