मर्कूस 12:34 - परमेश्‍वरए ताँ तमु क्युइर

³⁴ च शास्त्रिइ छले ह्रब् सेल्‍ले ज्वाफ पिंब् थेसि येशूजी चने बिइ, “क्‍हि परमेश्‍वरए ग्याल्सउँइँले ह्रेंगो आरे।” च त्हेसेरो खाबज्यै या येशूने ताँमैं ङ्योएबै आँट आल।

मर्कूस 12:34 ပူးပေါင်းရင်းမြစ်များ

मत्ती 12:15

खीलाइ सैबै मत लबै ताँ था सेसि येशू च क्ल्ह्‍योउँइँले ह्‍याइ। छले ह्‍यामा ल्‍हें म्‍हिमैं खीए लिलि ल्‍हौदिइ, धै खीजी ताँन् नबै म्‍हिमैं सल् लमिंइ।

मत्ती 12:20

तियाबै म्वो खीजी चोरिब् आरे सिबि छेबै मेंदों सिल् पिंरिब् आरे। छेनाले निसाफ तरिगे बिसि खीजी खोंयोंइ भों आन्‍हल्‍ले के लब्‍मुँ।

मत्ती 22:46

छबिमा खाबज्यै या येशूने ताँ तिजी या पोंल् आखाँ। च त्हिंइसेरो खाबज्यै खीने ताँ ङ्योएबै आँट लल् आखाँ।

लूका 20:40

च लिउँइँ खाबज्यै या खीने तोइ ताँ या ङ्योएबै आँट लल् आखाँ।

रोमी 7:9

ठिमइ बिबै ताँ आसेमा ङ सोगों मुँल, दिलेया ङइ ठमर्बै ताँ था सेबइले आछ्याँबै इच्छा भोंब तइ, ङ बिस्याँ सिल् त्हुइ।

गलाती 2:19

तलेबिस्याँ ङ परमेश्‍वरए ल्हागिर सोरिगे बिसि ओंसोंबै ङइ म्हाँदिबै ठिमइ लमा ठिमए ल्हागिर ङ सिब् धोंन् तइमुँ।

कलस्सी 4:6

क्‍हेमैंइ अरूलाइ खोंयोंइ सैं नल् आलल्‍ले छ्याँबै सैं मैंसि ताँ पोंल् त्‍हुम्। धै ताँन् म्‍हिमैंने खैले जवाफ पिंल् त्‍हुम् बिसि क्‍हेमैंइ सेल् खाँम्।