मर्कूस 12:29 - परमेश्‍वरए ताँ तमु क्युइर

²⁹ येशूजी बिइ, “ताँन् भन्दा थेबै ताँ चुन् ग, ‘ओ इस्राएलीमैं थेद्! ङ्योए याहवेह परमेश्‍वर घ्रि मत्‍त्रे मुँबै परमेश्‍वर ग।

मर्कूस 12:29 ပူးပေါင်းရင်းမြစ်များ

भजनमैं 86:10

तलेबिस्याँ क्हि बेल्‍ले थेब मुँ धै औदिबै केमैं लम्; घ्रि मत्‍त्रे परमेश्‍वर क्हि ग।

हितोपदेश 23:26

ओ ङ‍ए च्ह, क्हिए सैं ङलाइ पिंन्; ङइ लबै केमैं क्हिए मिइ म्रोंरिगे।

मत्ती 10:37

“खाबइ ङ भन्दा ह्रोंसए आबा-आमाए म्हाँया ल्हें लमुँ, च ङए म्‍हि तल् आखाँ। छलेन खाबइ ङ भन्दा ह्रोंसए च्‍ह-चमिए म्हाँया ल्हें लमुँ च ङए म्‍हि तल् आखाँ।

मत्ती 23:9

क्‍हेमैंइ चु पृथ्‍बीरि खाबलाज्यै या आबा आबिद्, तलेबिस्याँ क्हेमैंल घ्रि मत्‍त्रे आबा स्वर्गर मुँ।

लूका 10:27

चइ बिइ, “‘क्‍हिइ ह्रोंसए प्रभु परमेश्‍वरलाइ ह्रोंसए खों न्होंउँइँले, सैं न्होउँइँले, ह्रोंसइ ह्रब्दे, सेब्दे, खाँब्दे म्‍हाँया लद्, धै ह्रोंसए ङ्‍हेब-ट्हुब्मैं ह्रोंस धोंलेन् म्‍हाँया लद्।’”

रोमी 3:30

तलेबिस्याँ परमेश्‍वर घ्रि मत्‍त्रे मुँ। छतसि ज्युर चिनु लबै यहूदी मुँलेया, ज्युर चिनु आलबै अरू ह्रेंमैं मुँलेया, ताँन् म्‍हिमैंइ येशू ख्रीष्‍टए फिर बिश्‍वास लसिन् मत्‍त्रे परमेश्‍वरए उँइँर ठिक ठर्दिम्।

१ कोरिन्थी 8:4

छतसि कुर चडेबै सै चल् तम् उ आत बिबै ताँ ङ्योइ सेइमुँ, “परमेश्‍वर घ्रि मत्‍त्रे मुँ, कु परमेश्‍वर आङिं।” कु म्हिए योइ बनेबै सै मत्‍त्रे ग।

गलाती 3:20

क्ह्रिमिंबै म्हि तबै ल्हागिर बाछा लबै टोलि ङ्हिं तल् त्हुम्, दिलेया परमेश्‍वर घ्रिन् मुँ। (क्ह्रिमिंबै म्हि आरेलै खीजी आब्रहामने बाछा फैइ)।

१ तिमोथी 1:5

चर्बै ताँन् प्रभुए फिर बिश्‍वास लब्मैंइ क्ह्रोंसेंन्बै बिश्‍वासउँइँले, छ्याँबै खों प्ह्‍यासि छ्याँबै सैंउँइँले, ताँनने म्हाँया लरिगे बिसि ङइ चु ताँ बिइ।

१ तिमोथी 2:5

तलेबिस्याँ परमेश्‍वर घ्रि मत्‍त्रेन् मुँ, धै परमेश्‍वर ङाँर फेनबै घ्‍याँ या घ्रि मत्‍त्रे मुँ। च घ्‍याँ येशू ख्रीष्‍ट बिबै म्हि ग।

याकूब 2:19

परमेश्‍वर घ्रि मत्‍त्रे मुँ बिबै ताँ क्‍हिइ क्वेंम्, चम् ङिंबन् ग! मोंमैंज्यै या छलेन् क्वेंम्, धै ङ्हिंसि त्‍हारम्।

यहूदाइ प्‍ह्रिबै प्ह्रिछ्या 1:25

छाबै ङ्योलाइ जोगेमिंबै घ्रि मत्‍त्रे मुँबै परमेश्‍वरलाइ ङ्योए प्रभु येशू ख्रीष्‍टउँइँले थेबै मान, थेबै शक्‍ति, थेबै भों नेरो अधिकार, ओंसोंउँइँले तिंयाँ धै प्हँना लिउँइँ समा खोंयोंन् बिलै तरिगे! आमेन, छाबन् तरिगे!