मर्कूस 12:24 - परमेश्‍वरए ताँ तमु क्युइर

²⁴ येशूजी चमैंने बिइ, “क्‍हेमैंइ परमेश्‍वरए छ्वेर्बै ताँ आक्हो, परमेश्‍वरए शक्‍ति या आसे। छतसि क्‍हेमैंइ ताँ आक्होबन् तइ, आङिं वा?

मर्कूस 12:24 ပူးပေါင်းရင်းမြစ်များ

उत्पत्ति 18:14

याहवेहजी लल् आखाँबै सै तोइ मुँ वा? क्हुरिंम्बै ङ युम् बिबै त्हेर ङ क्हि ङाँर एयुब्मुँ। च्हमा साराल च्ह घ्रि तब्मुँ।”

मत्ती 22:29

येशूजी चमैंने बिइ, “क्हेमैंइ ताँ आक्होइमुँ, तलेबिस्याँ परमेश्‍वरए छ्वे नेरो परमेश्‍वरए शक्‍ति खैब तम् बिसि क्‍हेमैंइ आसेइमुँ।

मर्कूस 10:27

येशूजी चमैं ङाँइ ङ्‌ह्‍योसि बिइ, “म्‍हिइ चु के लल् आखाँ, दिलेया परमेश्‍वरजी लल् खाँम्, तलेबिस्याँ परमेश्‍वरजी तोन्दोंरि सै लमिंल् खाँम्।”

मर्कूस 12:23

छतसि सियाब्‍मैं धबै सोगों तसि रेखमा च च्हमिरि खाबै प्ह्रेंस्यो तलै? तलेबिस्याँ च च्हमिरि अलिमैं ङिने ब्ह्‍या लल् खाँल।”

मर्कूस 12:25

म्‍हिमैं सिसि धबै सोगों तमा ब्ह्‍या आल, चमैं स्‍वर्गदूतमैं धोंन् तम्।

लूका 1:37

तलेबिस्याँ परमेश्‍वरजी लल् आँखाँबै सै तोइ आरे।”

यूहन्‍ना 20:9

(तलेबिस्याँ चमैंइ च त्हे समा येशू सिबउँइँले सोगों तल् त्हुम् बिसि परमेश्‍वरए छ्वेर प्‍ह्रिबै ताँमैं आक्होल।)

यूहन्‍ना 5:39

“परमेश्‍वरए छ्वेर खोंयोंइ आखाँबै छ्ह योंम् बिसि क्‍हेमैंइ म्हैरिम्, ङए बारेर ग्वाइ पिंबम् परमेश्‍वरए छ्वे ग।

चेला चिब्मैंए केमैं 17:11

चर्बै यहूदीमैं थेसलोनिकाथेंमैं भन्दा स्वाब मुँल: चमैंइ परमेश्‍वरए ताँ बेल्‍ले छ्याँब ङ्हाँसि सैंर किंइ, धै चु ताँमैं पावलइ बिबै ताँने क्ह्रिम् उ आक्ह्रि बिसि त्हिंइ ह्रोंसे परमेश्‍वरए छ्वेर्बै ताँमैं खेसि क्होल् म्हैमल।

रोमी 15:4

ङ्योए आशालाइ बडिबर धै ङ्योए फिर तो तलेया सैदिबै भों पिंबर परमेश्‍वरए छ्वेर प्‍ह्रिबै ताँन् ताँ ङ्योलाइ लोमिंबर प्‍ह्रिब् ग।

एफिसी 1:19

सों, ङ्यो बिश्‍वास लब्मैंए न्होंर खीए के लबै शक्‍ति कति थेब मुँ बिसि क्‍हेमैंइ सेब्मुँ।

फिलिप्पी 3:21

च त्हेर खीजी ङ्योए केर आफेबै ज्युलाइ खील् धों तबै ज्यु लमिंब्मुँ। खीजी खैले ताँन् सैमैं खीए न्होंर थेंल् खाँमुँ, छलेन ङ्योए केर आफेबै ज्यु या फेर्दिवासि खील् धों तबन् लमिंब्‍मुँ।