मर्कूस 12:2 - परमेश्‍वरए ताँ तमु क्युइर

² झाइले रोमैं खुबै त्हेर म्रोंए क्‍ल्‍हेइ ह्रोंसए योंल् त्‍हुबै भाउ किंबर के लबै म्हि घ्रि कुलइ।

मर्कूस 12:2 ပူးပေါင်းရင်းမြစ်များ

भजनमैं 1:3

च स्योंए रेर रुँइँबै सिंधुँ धोंन् तम्। चइ रो रोल् त्हुबै त्हेर रो पिंम्, धै चए प्हो खोंयोंइ आङ्योंलों। चइ तो के ललेया छ्याँब तम्।

मत्ती 21:34

“लिउँइँ अँगुर खुबै त्हे तमा चइ के लबै म्‍हिमैं ह्रोंसए भाउ किंबर आधे लब्मैं ङाँर कुल्‍मिंइ।

मर्कूस 12:1

झाइले खीजी चमैंने अहान झोंबर होंइ, “म्‍हि घ्रिइ अँगुरए खेति लसि च खेतिए कारग्युले बार थोइ, धै होंल्दों तासि अँगुर म्हाबै कोल घ्रि बनेसि म्रों रुँबै म्हि टिबै ल्हागिर टउ घ्रि या बनेइ। झाइले म्रों आधेर पिसि च क्‍ल्‍हे आगुए ह्‍युलउँइँ ह्‍याइ।

मर्कूस 12:3

दिलेया च आधे लबै म्‍हिमैंइ चलाइ बेल्‍ले धोंसि क्होत्तेन् ल्‍हामिंइ।

लूका 12:48

दिलेया धिं क्ल्हेए सैंर्बै ताँ आक्होसि ल्हें सजैं योंल् त्हुबै के लनाबिलेया चइ च्युगुदे मत्‍त्रे सजैं योंब्मुँ। परमेश्‍वरजी ल्‍हें आशिक पिंब्मैंउँइँले ल्हेंन् ह्रिब्मुँ, छलेन ल्‍हें सैए जिम्‍मा पिंब्मैंउँइँले झन ल्‍हें किंब्मुँ।

लूका 20:10

अँगुर मिंबै त्‍हेर क्‍ल्‍हेइ के लबै म्हि घ्रि आधे किंबर कुलइ। दिलेया आधे लब्‍मैंइ च म्हि धोंसि क्होतेन् कुल्मिंइ।

हिब्रू 1:1

स्‍योंमा परमेश्‍वर खीए ताँ बिमिंबै म्हिमैंउँइँले ङ्योए खेमैंने ल्‍हें खे, ल्हें खालर्बै चिनुमैंउँइँले पोंइ।