मर्कूस 12:13 - परमेश्‍वरए ताँ तमु क्युइर

¹³ च लिउँइँ येशूलाइ ताँ क्‍हासि फसेद् बिसि चिबनाँब्मैंइ फरिसीमैं नेरो हेरोदिमैं न्होंर्बै को-कोइ येशू ङाँर कुलइ।

मर्कूस 12:13 ပူးပေါင်းရင်းမြစ်များ

भजनमैं 140:5

थेब् प्हैंबै म्हिमैंइ ङए ल्हागिर ङो चुइमुँ, चमैंइ ह्रोंसए जालए छो च्योइमुँ, धै ङ प्रबै घ्याँर ङो चुइमुँ। तिस्याँदे मैंन्

भजनमैं 38:12

ङलाइ सैल् म्हैब्मैंइ ङ सैबै ल्हागिर ङो चुम्; ङए न्होह्रों लल् म्हैब्मैंइ ङलाइ सैबै मत लम्। छले चमैं खोंयोंन् बिलै ङए बिरोधर जाल रोरिम्।

मत्ती 16:6

येशूजी चमैंने बिइ, “छेनाले मैंन्, क्‍हेमैं फरिसी नेरो सदुकीमैंए क्हेंर झोंबै प्लेढाउँइँले जोगेसि टिद्।”

मर्कूस 12:14

चमैं येशू ङाँर खसि बिइ, “ओ गुरु, क्‍हि क्‍ह्रोंसेंन्बै ताँ पोंम् बिब ङिइ सेइमुँ। क्‍हि खाब् म्रोंसेया आङ्हिं तलेबिस्याँ क्‍हिजी प्लोब, ङ्हाँब, खाबलाज्यै या आफेलल्‍ले परमेश्‍वरए घ्‍याँर प्रबर छेनाले लोमिंम्। छतसि ङिइ रोमी कैसर म्रुँलाइ बालि फोब तम् उ आत?” ङिने बिमिंन्।

मर्कूस 3:6

छतब् म्रोंसि यहूदी ठिम बेल्‍ले छेनाले म्हाँदिबै टोलिर्बै फरिसीमैं च्हों धिंउँइँले बैरु त्‍होंइ ह्‍यासि येशूलाइ खैले सैले बिसि हेरोद म्रुँए म्हिमैंने सल्‍ला लबर होंइ।

मर्कूस 8:15

छले ह्‍यारिमा येशूजी खीए चेलामैंने लोदा सैंदा लसि बिइ, “फरिसीमैं नेरो हेरोद म्रुँए क्हेंर झोंबै प्लेढाउँइँले न्ह क्रों मि क्रोंले टिद्।”

लूका 11:54

“येशूजी ताँ पोंमा खनिज्यै गल्‍ति स्यासि ताँ क्हाल् योंम् उ?” बिसि चमैंइ दाउ ङ्‍ह्‍योबर होंइ।