मर्कूस 12:1 - परमेश्‍वरए ताँ तमु क्युइर

¹ झाइले खीजी चमैंने अहान झोंबर होंइ, “म्‍हि घ्रिइ अँगुरए खेति लसि च खेतिए कारग्युले बार थोइ, धै होंल्दों तासि अँगुर म्हाबै कोल घ्रि बनेसि म्रों रुँबै म्हि टिबै ल्हागिर टउ घ्रि या बनेइ। झाइले म्रों आधेर पिसि च क्‍ल्‍हे आगुए ह्‍युलउँइँ ह्‍याइ।

मर्कूस 12:1 ပူးပေါင်းရင်းမြစ်များ

मत्ती 13:3

खीजी चमैंलाइ ल्हें ताँ अहानउँइँले लोमिंइ। छले लोमिंमा येशूजी बिइ, “म्‍हि घ्रि प्‍लु प्‍लुबर ह्‍याइ।

मत्ती 21:28

येशूजी चमैंने धबै बिइ, “चु ताँए बारेर क्‍हेमैं खै ङ्हाँम्? म्‍हि घ्रिला च्‍ह ङ्हिं मुँल। आबा च्‍ह थेब ङाँर ह्‍यासि ‘ओ ठागु, तिंयाँ क्‍हि म्रोंर ह्‍यासि के लद्,’ बिमा

मत्ती 21:33

येशूजी चमैंने बिइ, “धबै अर्को ताँ थेद्। म्‍हि घ्रिइ अँगुरए खेति लसि कारग्युले बार थोइ। अँगुर म्‍हाबै कोल नेरो अँगुर रुँबै ल्हागिर म्हि टिबै क्ल्ह्‍यो या बनेइ। झाइले च म्रों आधे पिथेंसि च ह्रेंगोर्बै ह्‍युलउँइँ ह्‍याइ।

मत्ती 21:34

“लिउँइँ अँगुर खुबै त्हे तमा चइ के लबै म्‍हिमैं ह्रोंसए भाउ किंबर आधे लब्मैं ङाँर कुल्‍मिंइ।

मत्ती 25:14

“स्‍वर्गर्बै ग्याल्स म्हि घ्रि धोंन् तब् ग। च आगुए ह्‍युलर ह्‍याबर होंमा ह्रोंसए केब्छैंमैं हुइसि ह्रोंसने मुँबै सै न्होर चमैंए जिम्‍मार पिंइ।

मर्कूस 11:33

छतसि चमैंइ येशूने, “ङिंइ आसे,” बिइ। झाइले येशूजी चमैंने बिइ, “ङज्‍यैया खैबै हगले चु के लमुँ बिसि क्‍हेमैंने आबि।”

मर्कूस 13:34

च त्हे चु अहान् धों तब् ग। म्‍हि घ्रिइ ह्रोंसए के लब्मैंने छ छ लद् ओ बिसि खें-खेंमैंए के फेलमिंसि ‘क्‍हेमैं छेन्‍ले टिद् ओ’ बिसि धिंउँइँले स्‍युरबर ह्‍याब् धों तब् ग।

मर्कूस 3:23

छ बिब् थेसि येशूजी चमैं खी ङाँर हुइसि ताँ क्होमिंबै ल्हागिर चु अहान् बिइ, “दुष्‍टइ खैले दुष्‍ट ल्‍हाल् खाँमुँ?

मर्कूस 4:2

येशूजी अहानउँइँले ल्‍हें ताँ चमैंलाइ लोमिंदै बिइ,

लूका 15:13

दे त्हे लिउँइँ च्‍ह च्‍योंबइ ह्रोंसए अँश चुँवाँसि ताँन् मुइ खागु लसि धिंउँइँले त्‍होंयाइ। धै ह्रेंगोर्बै ह्‍युलर ह्‍यासि बेल्‍ले फुर्मास लसि मुइ ताँन् नुवाइ।

लूका 19:12

येशूजी बिइ, “प्लबै म्हि घ्रिइ ह्रेंगोर्बै ह्‍युल घ्रि ङए हग न्होंर पखल त्हुइ बिबै सैं लइ।

लूका 22:9

चमैंइ खीने “ओ गुरु, ङिइ चु भोज खनिर तौदु लले?” बिसि ङ्योएइ।

लूका 8:10

येशूजी चमैंने बिइ, “परमेश्‍वरए ग्याल्सर्बै थेब् थेबै ताँमैं क्होबै ज्ञान क्हेमैंलाइ पिंइमुँ। दिलेया अरूमैंने बिस्याँ ङ अहानउँइँले पोंब्मुँ, तलेबिस्याँ परमेश्‍वरए छ्वेर प्‍ह्रिब् धोंले: ‘चमैंइ ङ्‌ह्‍योलेया आम्रोंरिगे, थेलेया आक्‍होरिगे।’”

चेला चिब्मैंए केमैं 7:38

इस्राएलीमैं क्यु आयोंबै क्ल्ह्‍योर सिनै कोंर खागु तमा मोशा स्वर्गदूतने मुँल। च स्वर्गदूतइ ङ्योए खेमैंने सिनै कोंर पोंल। स्वर्गदूतउँइँले योंबै सोगों लमिंबै ताँमैं मोशाइ ङ्यो इस्राएलीमैंलाइ लोमिंल।