मर्कूस 11:9 - परमेश्‍वरए ताँ तमु क्युइर

⁹ झाइले खीए ओंसों ओंसों प्रबै म्‍हिमैंइ नेरो लिलि लिलि प्रबै म्‍हिमैंइ “परमेश्‍वरए मिं क्वेद्! याहवेहए मिंर खबै म्रुँलाइ परमेश्‍वरजी आशिक पिंरिगे!” बिदै जयजय लबर होंइ।

मर्कूस 11:9 ပူးပေါင်းရင်းမြစ်များ

मत्ती 21:9

खीए लिलि ओंसों प्रब्मैंइ छले ओरल, “दाऊदए च्हए जय जय तरिगे! याहवेहए मिंर खबै म्‍हिला आशिक तरिगे! धाँसे थेबै परमेश्‍वरए जय जय तरिगे!”

मत्ती 23:39

तलेबिस्याँ ङ क्‍हेमैंने बिमुँ, ‘याहवेहए मिंर खबै म्रुँ बेल्‍ले ङ्‍हो सब् ग’ आबिन् समा क्‍हेमैंइ ङलाइ म्रोंरिब आरे।”

मर्कूस 11:8

छले यरूशलेमउँइँ ह्‍यामा ल्‍हें म्‍हिमैंइ खेंमैंए क्वेंमैं येशूए मान् लबै ल्हागिर घ्‍याँर तिमिंइ, धै को-कोइ सिधुँर्बै हाँगमैं थोसि घ्‍याँर तिमिंइ।

यूहन्‍ना 12:13

झाइले चमैंइ छोडाए हाँगमैं छेसि “होसन्‍ना! याहवेहए मिंर युबै इस्राएलर्बै म्रुँए जय जय तरिगे!” बिदै ओरदै खीए मान लबर त्होंइ।

यूहन्‍ना 19:15

छबिमा “बोयाद्, बोयाद्, च क्रूसर च्योवाद्!” बिसि चमैं ओरइ। छतमा पिलातसइ चमैंने “ङइ क्‍हेमैंए म्रुँ क्रूसर च्योवाद् वा?” बिसि ङ्योएमा “रोमी कैसर म्रुँ बाहेक् ङिला अरू म्रुँ आरे,” बिसि ख्रो पिंबै खेगि चिब्मैंइ बिइ।