मर्कूस 11:24 - परमेश्‍वरए ताँ तमु क्युइर

²⁴ छतसि ङ क्हेमैंने बिमुँ, क्‍हेमैंइ प्राथना लमा तो सै ह्रिलेया योंल् खाँइ बिसि बिश्‍वास लद्, छलस्याँ क्हेमैइ ह्रिबै सै योंब्‍मुँ।

मर्कूस 11:24 ပူးပေါင်းရင်းမြစ်များ

मत्ती 18:19

धबै ङ क्हेमैंने बिमुँ, पृथ्‍बीरि क्‍हेमैंए न्‍होंरि म्‍हि ङ्हिं क्ह्रिसि सैं घ्रिलेन् प्राथना लस्याँ क्हेमैंइ तो सै ह्रिलेया स्‍वर्गर मुँबै ङए परमेश्‍वर आबाजी च सै क्हेमैं पिंब्‍मुँ।

मत्ती 21:22

क्हेमैंइ परमेश्‍वरए फिर बिश्‍वास लसि प्राथनानर तो सै ह्रिलेया योंब्‍मुँ।”

मर्कूस 11:25

झाइले स्‍वर्गर टिबै परमेश्‍वर आबाजी क्‍हेमैंइ लबै पाप क्षमा लमिंरिगे बिसि क्‍हेमैंइ प्राथना लमा खाब्ने या तोइ आक्‍ह्रिबै ताँमैं मुँस्‍याँ च म्‍हिलाइ क्षमा पिंन्।

यूहन्‍ना 14:13

क्हेमैंइ ङए मिंर तो ह्रिलैया च्हउँइँले आबाए मान तरिगे बिसि क्हेमैंइ ह्रिबै सैमैं ङइ पूरा लमिंब्मुँ।

यूहन्‍ना 15:7

क्‍हेमैं ङने टिइ बिस्याँ, धै ङए ताँ क्हेमैंए सैं न्होंर थेंइ बिस्याँ, क्हेमैंइ तो ह्रिदा ङ्हाँमुँ ह्रिद्, परमेश्‍वरजी क्हेमैंए ल्हागिर पिंब्मुँ।

१ कोरिन्थी 14:13

छतसि क्होल् आखाँबै क्युइ पोंबै म्‍हिइ च क्युइए अर्थ खोल्‍दिबै बरदान योंबै ल्हागिर प्राथना लरिगे।

१ यूहन्‍ना 3:22

झाइले ङ्योइ खीने तो सै ह्रिलेया योंम्, तलेबिस्याँ खीजी बिबै ताँमैं ङ्योइ ङिंम्, धै खीए सैं तोंन् लबै केमैं ङ्योइ लम्।