मर्कूस 10:52 - परमेश्‍वरए ताँ तमु क्युइर

⁵² झाइले येशूजी चने बिइ, “ह्‍याद्! क्‍हिए बिश्‍वासइ क्हि सयाइमुँ।” छ बिबै तोदोंन् चए मि म्रोंल् खाँब् तसि येशूए लिलि प्रयाइ।

मर्कूस 10:52 ပူးပေါင်းရင်းမြစ်များ

भजनमैं 146:8

याहवेहजी मि आम्रोंब्मैंए मि थोंमिंम्। ल्हिबै ति नोसि ओलै आखाँब्मैंलाइ याहवेहजी रेमिंम्, याहवेहजी ठिक के लब्मैं म्हाँया लम्।

भजनमैं 33:9

तलेबिस्याँ खीजी बचन पोंसि तोन्दोंरि सैमैं लमिंइ; खीजी तयाद् बिमा ताँन् सै तयाइ।

मत्ती 11:5

कनमैंइ मि म्रोंइमुँ, डुँड्मैं प्रइमुँ, कोर खब्‍मैं सइमुँ, न्ह आथेब्मैंइ न्‍ह थेइमुँ, सियाब्‍मैं सोइमुँ धै ङ्हाँदुमैंने परमेश्‍वरउँइँले खबै सैं तोंबै ताँ बिमिंइमुँ।

मत्ती 12:22

झाइले मोंइ स्‍यासि कन तबै लडा म्‍हिमैंइ येशूए ङाँर पखइ। येशूजी च म्‍हि सल् लमिंमा च म्‍हि म्रोंल् खाँब, पोंल् खाँब् त‍याइ।

मत्ती 15:28

चए ताँ थेसि येशूजी चने बिइ, “ओ नानि, ङए फिर क्‍हिइ थेबै बिश्‍वास लना! छतसि क्‍हिए सैंर मैंब् धोंले क्हिए ल्हागिरि तरिगे।” खीजी छ बिबै तोदोंन् च च्हमिरिए च्हमि सयाइ।

मत्ती 21:14

च लिउँइँ कनमैं नेरो स्यालेमैं मन्दिरर खी ङाँर खइ, धै खीजी चमैं सल् लमिंइ।

मत्ती 8:3

छबिमा येशूजी यो स्‍योंसि च म्हिलाइ छुइदै बिइ, “ङइ क्हि सरिगे ङ्हाँइमुँ। सयाद्।” छ बिबै तोदोंन् च म्हिए कोर सयाइ।

मत्ती 9:22

येशूजी लिउँइँ तोसि ङ्‍ह्‍योमा च च्हमिरि म्रोंसि बिइ, “ओ च्हमि, आङ्हिंन्, क्हिए बिश्‍वासइ लमा क्हि सयाइमुँ।” छ बिबै तोंदोंन् च च्हमिरि सयाइ।

मर्कूस 1:31

येशू च नबै म्हि मुँबै क्‍ल्‍ह्‍योर ह्‍यासि चए यो क्‍हासि रेमिंइ। च तोदोंन् चए जर सयाइ। धै चइ खेंमैंए ल्हागिर चब् लबर होंइ।

मर्कूस 5:34

झाइले येशूजी च च्हमिरिने बिइ, “ओ नानि, क्‍हिए बिश्‍वासइ क्‍हि सयाइमुँ। आङ्हिंनले ह्‍याद्, तारे क्हिए नब सयाइ।”

मर्कूस 8:25

छबिमा येशूजी धबै च म्‍हिए मिर छुइमा च म्‍हिइ ङ्‌ह्‍योइ,धै छेनाले म्रोंल् खाँब् तइ।

लूका 7:50

दिलेया येशूजी च च्हमिरिने बिइ, “क्‍हिए बिश्‍वासइ लमा क्‍हि जोगेएइमुँ, छिं ङ्हाँन्ले ह्‍याद्।”

लूका 9:48

झाइले चेलामैंने बिइ, “खाबइ ङए मिंर चु कोलोलाइ मान लमुँ, चइ ङलाज्यै या मान लमुँ। धै ङलाइ मान लब्‍मैंइ ङ कुल्मिंबै परमेश्‍वर आबालाज्यै या मान लमुँ। छलेन क्‍हेमैंए न्‍होंरि खाब् च्‍योंने तसि टिमुँ चन् ताँन् भन्दा थेब् तम्।”

यूहन्‍ना 9:32

ह्‍युल बनेब् ओंनोंन् फिब् ओंनोंबै आम्रोंबै म्हिए मि म्रोंल् लमिंबै ताँ खाबज्यै आथेइमुँ!

यूहन्‍ना 9:39

झाइले येशूजी बिइ, “आम्रोंब्मैंइ म्रोंरिगे धै म्रोंब्मैंइ म्रोंल् आखाँरिगे बिसि ङ निसाफ लबर ह्‍युलर युइ।”

चेला चिब्मैंए केमैं 26:18

चमैं मिछु खैबाउँइँले चारबै व्हेर खरिगे धै दुष्‍टए शक्‍तिउँइँले फ्रेसि परमेश्‍वरउँइँ एरिगे बिसि क्हिइ चमैंए मि थोंमिंन्। छले चमैंइ पापए क्षमा योंब्मुँ धै ङए फिर बिश्‍वास लसि पबित्र तबै म्हिमैं टिबै क्ल्ह्‍योर चमैं टिल् योंब्मुँ।’