मर्कूस 10:48 - परमेश्‍वरए ताँ तमु क्युइर

⁴⁸ छले कै तेमा ल्‍हें म्‍हिमैंइ चने “तोइ आबिद्,” बिसि हौदिइ। दिलेया च म्‍हि झन् “ओ दाऊदए च्ह, ङए फिर ल्हयो खमिंन्,” बिसि ओरइ।

मर्कूस 10:48 ပူးပေါင်းရင်းမြစ်များ

भजनमैं 62:12

ओ याहवेह, क्हिजी खोंयोंइ आनुबै म्हाँया लमुँ। तलेबिस्याँ क्हिजी ताँन् म्हिमैंलाइ ह्रों-ह्रोंसइ लबै के अन्सार्बै नों सै पिंम्।

मत्ती 19:13

येशूजी कोलोमैं फिर यो थेंसि प्राथना लमिंरिगे बिसि म्हिमैंइ कोलोमैं खी ङाँर पखल। दिलेया खीए चेलामैंइ च म्‍हिमैं हौदिइ।

मत्ती 20:31

छबिमा म्‍हि हुलइ “आओरद्!” बिसि चमैं हौदिइ, दिलेया चमैं झन् सार्ले “ओ प्रभु, दाऊदए च्ह, ङिए फिर ल्हयो लमिंन्,” बिसि ओरइ।

मत्ती 9:27

येशू च क्‍ल्‍ह्‍योउँइँले ह्‍यामा कनमैं ङ्हिंइ “ओ दाऊदए च्ह, ङिए फिर ल्हयो खमिंन्,” बिसि ओरदै येशूए लिलि ल्हैदिइ।

मर्कूस 10:13

येशूजी कोलोमैं छुइसि आशिक पिंरिगे बिसि म्‍हिमैंइ ह्रोंसए कोलोमैं खी ङाँर पखइ। दिलेया खीए चेलामैंइ “कोलोमैं खी ङाँर पखब आत बिसि चमैंलाइ हौदिइ।”

मर्कूस 5:35

येशू छले पोंरिमा याइरसए धिंउँइँले खबै म्‍हिमैंइ याइरसने बिइ, “क्‍हिए च्हमि सियाइ। तारे गुरुलाइ तले दुःख पिंब?”

लूका 18:39

घ्याँर प्रबै म्‍हिमैंइ “तले छले ओरल?” बिसि चलाइ हौदिइ। दिलेया “ओ दाऊद म्रुँए कुलर्बै च्ह! ङए फिर ल्हयो खमिंन्,” बिसि च झन् ओरइ।

एफिसी 6:18

च ताँन् के लमा तोन्‍दोंरि ताँर तो सै चैदिले या प्राथना लदै परमेश्‍वरने ह्रिद्। झाइले ह्रोंसए ल्हागिर मत्‍त्रे आङिं, ताँन् बिश्‍वासीमैंए ल्हागिरै या प्राथना लद्, खोंयोंन् बिलै न्ह क्रों मि क्रोंले चमैंए ल्हागिर प्राथना लरिद्।

हिब्रू 5:7

येशू ह्‍युलर मुँमा खीलाइ सिबउँइँले सोगों लमिंल् खाँबै परमेश्‍वरने बेल्‍ले क्रोदै थेबै कैले प्राथना लइ। खीजी छले सैं न्होंउँइँले यो छ्युँ लसि प्राथना लबइले परमेश्‍वरजी खीए प्राथना थेमिंइ।