मर्कूस 10:45 - परमेश्‍वरए ताँ तमु क्युइर

⁴⁵ तलेबिस्याँ म्हिए च्ह मान म्हैबर युब आङिं, दिलेया म्हिमैं ल्होबर नेरो ल्‍हें म्‍हिमैंए पापउँइँले फ्रेमिंबै ल्हागिरि पापए सै फोबर ह्रोंसए ज्यु पिंबर युब् ग।”

मर्कूस 10:45 ပူးပေါင်းရင်းမြစ်များ

मत्ती 20:28

छलेन म्हिए च्ह या अरूमैंउँइँले सेवा योंबर युब आङिं, दिलेया सेवा लबर नेरो ल्‍हें म्‍हिमैंए पापउँइँले फ्रेमिंबर ह्रोंसए ज्यु पिंबर युब् ग।”

मर्कूस 10:44

छलेन क्हेमैंए न्होंरि ताँन् भन्दा थेब तदा ङ्हाँबै म्हि ताँनए केब्छैं तल् त्‍हुम्।

यूहन्‍ना 10:15

“आबाजी ङलाइ ङो सेम्, ङज्यै या आबा ङो सेब् धोंले ङइ ह्रोंसए क्युमैं ङो सेम्। ङए क्युमैंज्यै या ङलाइ ङो सेम्। छतसि क्युमैं जोगेबै ल्हागिर ह्रोंसए ज्यु या पिम्।

यूहन्‍ना 13:14

ङ क्‍हेमैंए प्रभु नेरो गुरु तसेया ङइ क्हेमैंए प्हले ख्रुमिंइँमुँ बिस्याँ क्हेमैंज्यै या घ्रिइ-घ्रिए प्हले ख्रुमिंल् त्हुम्।

२ कोरिन्थी 5:21

तलेबिस्याँ ङ्यो ख्रीष्‍टउँइँले ठिक ठर्दिरिगे बिसि तोइ पाप आरेबै येशू ख्रीष्‍टलाइ परमेश्‍वरजी ङ्योइ लबै पापए ति नोल् पिंइ।

२ कोरिन्थी 8:9

तलेबिस्याँ ङ्योए प्रभु येशू ख्रीष्‍टजी ङ्योए फिर कति थेबै दयाम्हाँया लइमुँ बिब क्हेमैंइ सेइमुँ। येशू ख्रीष्‍टने तोन्दोंरि सै मुँलेया क्‍हेमैंए ल्हागिर ङ्हाँदु तइ। तलेबिस्याँ खीए ङ्हाँदुउँइँले क्‍हेमैं प्लब् तरिगे बिब खीए सैं मुँल।

गलाती 3:13

ङ्योइ योंल् त्हुबै सराप खीजी नोइ, ठिमर्बै सरापउँइँले सै फोसि ङ्योलाइ खामिंइमुँ। तलेबिस्याँ “सिं धुँर च्‍योसि सिब्मैं, परमेश्‍वरउँइँले सराप योंब्मैं ग,” बिसि परमेश्‍वरए छ्वेर प्‍ह्रिइमुँ।

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

हिब्रू 5:8

खी परमेश्‍वरए च्‍ह तनाबिलेया खीजी नोबै दुःखउँइँले परमेश्‍वरजी बिब ङिंब लोइ।

१ पत्रुस 1:19

दिलेया तोइ खोट नेरो तोइ छ्याब् आरेबै क्यु झज धों तसि ख्रीष्‍टजी को पिंसि क्हेमैंलाइ खामिंइमुँ।