मर्कूस 10:43 - परमेश्‍वरए ताँ तमु क्युइर

⁴³ दिलेया क्‍हेमैंए न्होंरि बिस्याँ छ लब् आत। क्‍हेमैंए न्होंरि थेब् तदा ङ्हाँब्मैंइ, अरूमैं ल्होल् त्‍हुम्।

मर्कूस 10:43 ပူးပေါင်းရင်းမြစ်များ

मर्कूस 10:42

छतमा येशूजी चमैं खी ङाँर हुइसि बिइ, चु ह्‍युलर ग्याल्स लबै म्‍हिमैंइ ह्रोंसए जनता दबिदिसि थेबै हगले शासन लम्, चु ताँ “क्‍हेमैंइ सेइमुँ।

मर्कूस 10:44

छलेन क्हेमैंए न्होंरि ताँन् भन्दा थेब तदा ङ्हाँबै म्हि ताँनए केब्छैं तल् त्‍हुम्।

मर्कूस 9:35

झाइले येशू क्हुँसि च्युसे ङ्हिं चेलामैं खागु लसि चमैंने बिइ, “थेब तदा ङ्हाँबै म्‍हि, ताँन् भन्दा च्‍योंब् तसि ताँनए सेवा लल् त्‍हुम्।”

लूका 14:11

तलेबिस्याँ ह्रोंसन् थेब् प्‍हैंबै म्हिमैं परमेश्‍वरजी च्‍योंब लवाब्‍मुँ, दिलेया ह्रोंसन् च्‍योंने तसि टिब्मैंलाइ परमेश्‍वरजी थेब लमिंब्‍मुँ।”

लूका 18:14

“ङ क्हेमैंने बिमुँ, च फरिसी भन्दा बालि रेबै म्‍हि परमेश्‍वरए उँइँर ठिक ठर्दिसि धिंर एह्‍याइ। तलेबिस्याँ तोगो च्योंने तसि कुरब्मैंलाइ परमेश्‍वरजी थेब लमिंब्मुँ। तोगो ङम् ङन् ग बिसि थेब् प्हैंब्मैं परमेश्‍वरजी कुरवाब्‍मुँ।”

लूका 22:26

दिलेया क्‍हेमैं न्‍होंरि छ तल् आत। क्‍हेमैं न्‍होंरि ताँन् भन्दा थेबै म्‍हि ताँन् भन्दा च्‍योंने तल् त्‍हुम्। धै चिबै के लबै म्हिइ अरूमैंए सेवा लल् त्‍हुम्।

लूका 9:48

झाइले चेलामैंने बिइ, “खाबइ ङए मिंर चु कोलोलाइ मान लमुँ, चइ ङलाज्यै या मान लमुँ। धै ङलाइ मान लब्‍मैंइ ङ कुल्मिंबै परमेश्‍वर आबालाज्यै या मान लमुँ। छलेन क्‍हेमैंए न्‍होंरि खाब् च्‍योंने तसि टिमुँ चन् ताँन् भन्दा थेब् तम्।”

यूहन्‍ना 18:36

येशूजी बिइ, “ङए ग्याल्स चु ह्‍युलर्बै आङिं। ङए ग्याल्स चु ह्‍युलर्बै ङिंस्याँम् ङ येहूदिमैंए योर आफेरिगे बिसि ङए चेलामैं ङए ल्हागिर नेमल। धै ङ यहूदीमैंए योर आफेमल। दिलेया ङए ग्याल्स चु ह्‍युलर्बै आङिं।”

रोमी 12:2

चु ह्‍युलर्बै म्‍हिमैंइ लब् धोंबै आछ्याँबै केमैं क्‍हेमैंइ आलद्, बरु ह्रोंसए सैंर छारा तसि सैं न्होंउँइँले ओंनों छ्याँब तद्। छ तस्‍याँ मत्‍त्रे क्‍हेमैंइ परमेश्‍वरए इच्छा तो मुँ बिसि था सेल् खाँम्, अथवा तो सै स्‍वाब मुँ, तो सैइ परमेश्‍वरए सैं तोंन् लमना, तो सै छ्याँब मुँन बिसि क्‍हेमैंइ सेब्‍मुँ।

गलाती 5:13

ओ अलि-अङाँमैं, क्‍हेमैं ठिमए न्होंर टिल् आत्हुरिगे बिसि परमेश्‍वरजी क्‍हेमैंलाइ त्‍हाँब् ग। छले क्हेमैं खाँसो ङ्हाँन् तल् योंबइले तारे पिरु ह्रोंसए सैंउँइँले खबै आछ्याँबै ताँमैंए लिलि आप्रद्, बरु घ्रिइ घ्रिने म्हाँया लसि घ्रिइ घ्रिए सेवा लद्।