मर्कूस 10:18 - परमेश्‍वरए ताँ तमु क्युइर

¹⁸ येशूजी चने बिइ, “ङने तले स्वाब बिमुँ? परमेश्‍वर बाहेक अरू खाबै या स्वाब आरे।

मर्कूस 10:18 ပူးပေါင်းရင်းမြစ်များ

भजनमैं 119:68

क्हि स्वाब मुँ, क्हिजी छ्याँबै के लम्; क्हिए निसाफइ बिब् धोंले प्रब ङलाइ लोमिंन्।

भजनमैं 145:9

याहवेहजी ताँनए फिर छ्याँब लम्, ह्रोंसजी बनेबै तोन्दोंरि सैमैंए फिर ल्हयो खमुँ।

भजनमैं 86:5

तलेबिस्याँ ओ प्रभु, क्हि स्वाब नेरो क्षमा पिंरिब् मुँ, क्हिए मिं किंब्मैं ताँनलाइ क्हिजी खोंयोंइ आनुबै थेबै म्हाँया लम्।

मत्ती 19:17

येशूजी चने बिइ, “क्‍हिइ छ्याँबै केए बारेर तले ङने ङ्योएमुँ? परमेश्‍वर घ्रि मत्‍त्रे छ्याँब मुँ। खोंयोंइ आखाँबै छ्ह योंदा ङ्हाँस्‍याँ क्हिइ परमेश्‍वरजी बिबै ताँमैं ङिंल् त्‍हुम्।”

मर्कूस 10:17

झाइले येशू घ्‍याँर ह्‍यारिमा म्‍हि घ्रि न्हेह्‍यासि येशूए ओंसों च्‍हि तुँसि खीने “ओ स्वाबै गुरु, खोंयोंइ आखाँबै छह् योंबै ल्हागिर ङइ तो लल् त्‍हुम्?” बिसि ङ्योएइ।

मर्कूस 10:19

अरूलाइ आसैब, ब्यभिचार आलब, आह्‍योब, स्‍योर आतेब, अरूमैंए मुइ छलेन् आचब, ह्रोंसए आबा-आमाए मान् लब बिसि ठिमर्बै ताँ क्‍हिइ सेइमुँ।”

लूका 18:19

येशूजी चने बिइ, “क्‍हिइ ङने तले स्वाब बिमुँ? परमेश्‍वर बाहेक अरू खाबै या स्वाब आरे।

रोमी 3:12

ताँन् म्हिमैंइ आछ्याँबै घ्‍याँ क्हाइमुँ, ताँन् म्‍हिमैं केर आफेब् तइमुँ। ठिक के लब्मैं खाबै आरे, खाबज्यै ठिक के आल, अँहँ घ्रि या आरे।

याकूब 1:17

तलेबिस्याँ ताँन् छ्याँबै दान बरदानमैं त्हिंयाँ नेरो लयाँ बनेबै परमेश्‍वरउँइँले युम्। तलेबिस्याँ खी खोंयोंइ ङ्हरि कुरि आत।

१ यूहन्‍ना 4:16

छले परमेश्‍वरजी ङ्योए फिर म्हाँया लम् बिब् क्होसि ङ्योइ च म्हाँयारन भर थेंइमुँ। परमेश्‍वरजी म्हाँया लम्। छतसि म्हाँया मुँबै के लबै म्हि परमेश्‍वरने घ्रिन् तसि टिमुँ, धै परमेश्‍वर चने घ्रिन् तसि टिम्।

१ यूहन्‍ना 4:8

दिलेया सैं न्होंउँइँलेन् म्हाँया आलब्‍मैंइ परमेश्‍वरलाइ ङो आसे, तलेबिस्याँ परमेश्‍वरजी म्हाँया लम्।