मर्कूस 1:8 - परमेश्‍वरए ताँ तमु क्युइर

⁸ ङइ क्‍हेमैं क्‍युर प्‍ल्हुँसि बप्‍तिस्‍मा पिंइ, दिलेया खीजी क्‍हेमैंलाइ पबित्र प्ल्हजी बप्‍तिस्‍मा पिंब्‍मुँ।”

मर्कूस 1:8 ပူးပေါင်းရင်းမြစ်များ

हितोपदेश 1:23

ङइ हौदिलैया क्हेमैंए सैंर चु ताँम् ङए ल्हागिर्न ग ङ्‍हाँस्याँ, ङइ ह्रोंसए खोंर्बै ताँ क्हेमैंने बिमल; धै ङए ताँमैं क्हेमैंलाइ सेल् पिंमल।

मत्ती 3:11

“क्‍हेमैंए सैं परमेश्‍वरउँइँ एइ बिब् उँइँबर ङइ क्‍युर प्‍ल्हुँमिंसि बप्‍तिस्‍मा पिंम्। दिलेया ङए लिलि युबै म्‍हि ङ भन्दा बेल्‍ले शक्‍ति मुँब मुँ। खीजी क्‍हेमैं परमेश्‍वरए पबित्र प्ल्ह नेरो मिइ बप्‍तिस्‍मा पिंब्‍मुँ। ङम् खीए जुत्ता नोबै लायगर्बै आरे।

मर्कूस 1:7

“ङए लिलि युबै म्‍हि ङ भन्दा बेल्‍ले शक्‍ति मुँबै म्हि ग। ङम् कुरासि खीए जुत्ताए तनि प्‍ल्हबै या आङ्‍हें बिदै यूहन्‍नाइ बिप्रमल।

मर्कूस 1:9

च त्हेर्न येशू गालील ह्‍युलर्बै नासरत बिबै नाँसउँइँले युइ, झाइले यूहन्‍नाउँइँले यर्दन स्‍योंर क्युर प्‍ल्हुँसि बप्‍तिस्‍मा किंइ।

लूका 3:16

छतमा यूहन्‍नाइ चमैं ताँनने बिइ, “ङइमि क्‍हेमैंलाइ क्युर प्ल्हुँसि बप्‍तिस्मा पिंम्। दिलेया ङ भन्दा शक्‍ति मुँबै म्‍हि घ्रि युब्‍मुँ। खीए जुत्ताए तनि प्‍ल्हबर ङ्‍हेंब ङ आरे। खीजी क्‍हेमैंलाइ परमेश्‍वरए पबित्र प्ल्ह नेरो मिइ बप्‍तिस्मा पिंब्मुँ।

यूहन्‍ना 1:26

यूहन्‍नाइ चमैंने बिइ, “ङइ मि म्हिमैं क्‍युर प्‍ल्हुँसि बप्‍तिस्‍मा पिंम्, दिलेया क्‍हेमैंए म्‍हाँजोर क्‍हेमैंइ ङो आसेबै म्हि घ्रि मुँ।

यूहन्‍ना 1:33

ओंसों ङइ खी ङो आसेल, दिलेया परमेश्‍वरजी ङ कुलसि बिइ, ‘म्हिमैं क्युर प्ल्हुँमिंसि बप्‍तिस्‍मा पिंन्।’ धै खीजीन् ङने बिल, ‘खाबै फिर क्हिइ पबित्र प्ल्ह तयुसि टिब् म्रोंब्मुँ, पबित्र प्ल्हउँइँले बप्‍तिस्मा पिंबै म्हि खीन् ग।’

चेला चिब्मैंए केमैं 1:5

तलेबिस्याँ यूहन्‍नाइमि क्युइ बप्‍तिस्‍मा पिंइ, तारे दे त्हिंइ लिउँइँ पबित्र प्ल्हउँइँले क्हेमैंए बप्‍तिस्मा तब्‍मुँ।”

चेला चिब्मैंए केमैं 10:45

अरू ह्रेंमैंए फिरै या पबित्र प्ल्ह युब् म्रोंसि पत्रुसने बालु खबै प्रभुए फिर बिश्‍वास लबै यहूदीमैं बेल्‍ले प्लेटोयाइ।

चेला चिब्मैंए केमैं 2:17

‘नुखबै त्हिंइजरे छ तब्मुँ बिसि परमेश्‍वरजी बिइमुँ, ङइ ताँन् म्हिमैंए फिर ङए पबित्र प्ल्ह कुल्मिंब्मुँ। धै क्‍हेमैंए च्‍ह-च्हमिमैंइ अगमवाणि पोंब्मुँ, क्‍हेमैंए फ्रेंसिंमैंइ दर्शनमैं म्रोंब्मुँ, धै क्‍हेमैंए खेब्मैंइ म्‍होंडा म्होंब्मुँ।

चेला चिब्मैंए केमैं 2:4

छतमा चमैं ताँन् परमेश्‍वरए पबित्र प्ल्हजी प्लिंयाँइ, धै पबित्र प्ल्हजी पिंबै शक्‍तिउँइँले चमैंइ स्यो-स्योबै क्युइर पोंबर होंइ।

१ कोरिन्थी 12:13

ङ्यो यहूदी मुँलेया, अरू ह्रेंमैं मुँलेया, आगुए न्होंर के लब्मैं मुँलेया, खाब् मुँलेया ङ्योइ पबित्र प्ल्ह घ्रिउँइँलेन् ज्यु घ्रिर्न बप्‍तिस्‍मा किंइमुँ। छतसि पबित्र प्ल्ह घ्रिउँइँलेन् ङ्यो ताँनइ तोन्दोंरि सै योंइमुँ।