मर्कूस 1:7 - परमेश्‍वरए ताँ तमु क्युइर

⁷ “ङए लिलि युबै म्‍हि ङ भन्दा बेल्‍ले शक्‍ति मुँबै म्हि ग। ङम् कुरासि खीए जुत्ताए तनि प्‍ल्हबै या आङ्‍हें बिदै यूहन्‍नाइ बिप्रमल।

मर्कूस 1:7 ပူးပေါင်းရင်းမြစ်များ

मत्ती 3:11

“क्‍हेमैंए सैं परमेश्‍वरउँइँ एइ बिब् उँइँबर ङइ क्‍युर प्‍ल्हुँमिंसि बप्‍तिस्‍मा पिंम्। दिलेया ङए लिलि युबै म्‍हि ङ भन्दा बेल्‍ले शक्‍ति मुँब मुँ। खीजी क्‍हेमैं परमेश्‍वरए पबित्र प्ल्ह नेरो मिइ बप्‍तिस्‍मा पिंब्‍मुँ। ङम् खीए जुत्ता नोबै लायगर्बै आरे।

मत्ती 3:14

दिलेया यूहन्‍नाइ येशूने “क्‍हिजी ङलाइ बप्‍तिस्‍मा पिंल् त्‍हुब् ग। क्हिजी ङने बप्‍तिस्मा किंब् आ?” बिसि बप्‍तिस्‍मा किंबर क्वेबर होंइ।

मर्कूस 1:6

यूहन्‍नाइ सलुए मुइए क्‍वें खिमल, ट्हुबिए पेटि खिमल, तिरि नेरो क्‍वे खुदु चमल।

मर्कूस 1:8

ङइ क्‍हेमैं क्‍युर प्‍ल्हुँसि बप्‍तिस्‍मा पिंइ, दिलेया खीजी क्‍हेमैंलाइ पबित्र प्ल्हजी बप्‍तिस्‍मा पिंब्‍मुँ।”

लूका 3:16

छतमा यूहन्‍नाइ चमैं ताँनने बिइ, “ङइमि क्‍हेमैंलाइ क्युर प्ल्हुँसि बप्‍तिस्मा पिंम्। दिलेया ङ भन्दा शक्‍ति मुँबै म्‍हि घ्रि युब्‍मुँ। खीए जुत्ताए तनि प्‍ल्हबर ङ्‍हेंब ङ आरे। खीजी क्‍हेमैंलाइ परमेश्‍वरए पबित्र प्ल्ह नेरो मिइ बप्‍तिस्मा पिंब्मुँ।

यूहन्‍ना 1:27

खी ङए लिलि युलेया खीए जुत्ताए तनि प्‍ल्ह्‍बर ङ्हेंब ङ आरे।”

चेला चिब्मैंए केमैं 13:25

यूहन्‍नाइ ह्रोंसए केमैं खाँबि छेमा छ बिल, ‘क्हेमैंइ ङ खाब् जा बिसि मैंल? जोगेमिंबै म्रुँ ख्रीष्‍ट ङ आङिं। दिलेया ङए लिउँइँ म्हि घ्रि युसिन् मुँ, खीए प्हलेर्बै जुत्ताए तनि प्‍ल्हबर ङ्हेंब ङ आरे।’

चेला चिब्मैंए केमैं 19:4

झाइले पावलइ बिइ, “यूहन्‍नाइ पिंबै बप्‍तिस्माम् पाप केमैं पिसि परमेश्‍वरउँइँ सैं एरिगे बिब् मुँल। दिलेया तारे पिरु युबै येशूए फिर बिश्‍वास लल् त्हुम् बिसि चइ म्हिमैंने लोमिंमल।”